| e-texts navigator |
| བོད་ཡིག |
211a1 ye nas rdzogs// 'dod chags longs spyod rdzogs pa'i sku// zhe sdang sbrul sgra ye sangs rgyas// gti phrag chos smra ma rig sangs// nga rgyal nga bshad sbyar dag/ phrag dag gsang ba'i sgra ru rdzogs// drag lnga gcig shes
211a2 byang chub sku// da yang 'dus pa'i snying po nyon// ye shes yod na ma rig med// de phyir lung ldan nges pa'i don// bka' brgyad chos 'di sangs rgyas gsung // ma rig sel ba'i sprin me yin// nyi zlas de la 'gran mi nus// ma rig med phyir sangs rgyas
211a3 'grub// ye shes shar bas thams cad mkhyen// da yang rdo rje sems dpa' nyon// thig le rtogs pas gang yang 'grub// kun gzhi brlag pas yon tan rdzogs// snang ba med pas zhing khams dag/ sems dang bral bas chos skrags la/
211a4 ma reg med pas gzhi dang phrad// rten pa med pas rab med// go las med pas myang ba med// 'khor ba med pas dogs pa bral// de yang 'dus pa'i snying po nyon// bsgom du med pas yangs mi srid// skye 'gag med pas bying nod sangs// rang /
211a5 byung rig pa'i ye shes 'di// sras kyang ma byas byas pa med// de phyir chos kyi snying ma yin/ rdzogs pa chen po nges don 'dus pa las/ ma rig pa gzhi la med cing dag par bstan pa'i le'u ste re gsum pa'o// // de nas rdo rje sems dpa' yis//
211a6 'dus pa'i 'khor la phan don du// kun rig sems kyi rgyal po la// bden pa'i yid kyis 'di skad gsol// chos rnams skye ba ji ltar med// rol pa 'gag med ji ltar 'byung // mtshan nyid gnyis med gtan tshigs gang // rang blo ngo bor ji ltar grol//
211a7 kun rig ston pas bshad du gsol// de skad zhus pa'i don gsan nas// 'dus pa'i 'khor la bka' stsal pa// rang bzhin skye med gtan tshigs ni// gzhi la snang ba med pa'i phyir// chos rnams thams cad spos dang bral// de phyir rang bzhin skye ba med//
iiif viewer powered by OpenSeadragon
Texts on this page
Gdg001.17 - rdzogs pa chen po nges don 'dus pa'i rgyud / lta ba thams cad kyi snying po rin po che rnam par bkod pa