rKTs

e-texts navigator

Page

102a₁ su 'khrul// gzhi la med de nga rgyal skyes pa las// lha min gnas skyes 'thab rtsod sdug bsngal myang // gzhi la med de 'dod chags skyes pa las// lha yi gnas 'khrul ltung ba'i sdug bsngal myong // gzhi la med de phrag dog skyes pa las// mi skyes
102a₂ nas 'gyur ba'i sdug bsngal myang // de ltar 'gro drug sems can thams cad 'khrul// dper na thag sbrul sdi gi chu chung 'khrul 'dra// gzhi la med de rnam rtog 'dzin pas 'khrul// zhes gsungs so// nyi zla bkod pa'i rgyud las/ 'khrul lugs bstan pa'i le'u sde
102a₃ gsum pa'o// // de nas kun rig gsal ba'i khye'u chung gis// snying po ka dag chos sku la// 'khrul pa rtsad gcod gdams pa gang // zhes zhus pa dang / ston pas 'khor la bka' stsal pa// dbang po rab 'bred rnam gsum la// 'khrul pa gcod thabs rnam pa gsum// tha ma'i
102a₄ 'khrul pa gcod thabs ni// 'khrul snang yul gyi rtsad gcod dang // 'khrul gzhi kun gzhi'i rtsad gcod dang // sems dad bag chags rtsad gcod do// 'khrul snang yul gyi rtsad gcod ni// dngos por snang ba'i yul rnams la// dgag bsgrub spang len mi bya ste// dbye bas la
102a₅ med par dang sar bzhag/ snang la rang bzhin grub pa med// dper na chu yi zla ba bzhin// cir snang der 'dzin med pas chog/ 'khrul rgyu yid rig rtsad bcad pa// rig med gang la'ang blo ma skyes// de yis rig pa 'khrul rtsad chod// snad srid 'khor 'das yod med sogs//
102a₆ yul smad bzang ngan gang la yang // mi 'gyu mi dpyod 'din zhen chod// des ni yengs 'khrul rtsad nas chod// sems kyi 'khrul rtsad bcad pa ni// dngos po rnam pa sna tshogs la// mi pyod mi sems gzung 'dzin med// gang yang sems pa med pa ni// thig le nyag gcig rdo rje'i sku//
102a₇ 'khrul gzhi kun gzhi'i rtsed gcod ni// ye med ming med skye ba med// 'dod rlom rtsis gdab blo yul 'das// gti mug ma rig bag chags dang // sgrib g.yogs zhes bya'i ming yang med// de ni 'khrul gzhi rtsad bcad pa'o// 'khrul pa'i rtsa ba chod pa na// yan lag 'khrul pa

_{iiif viewer powered by OpenSeadragon}

101b - 102b

Texts on this page