| e-texts navigator |
| བོད་ཡིག |
3b1 bum pa man chad ni rgyu 'i chos te nyan thos so// bre phul dang srog sha pe yan chad ni/ 'bras bu'i chos te byang chub sems dpa'o// 'khor lo yongs su rdzogs pa ni bla na med pa te a ti yo ga'o// bkra shas sgo mangs ni theg pa'i sgo bsam gyis/
3b2 mi khyab pa'o// me long na ye shes bzhi'o// dril bu ni gsungs pa med pa'o// rin po che ni yon tan to// dar sbyangs ni mnyen 'khril ba ste/ sems kyi don la chags kyang skyon med pa'o// bya ru ni rgyal mtshan gyi rtse mo la nub pa med
3b3 pa'o// rtog ni mi 'gyur ba'o// tha snyad kyi dbang gis yang dag par gdags su yod pa dang / gdags pa tsam du yod pa gnyis las/ yang dag par gdag su yod pa ni chos kyi sku yin la/ gdags pa tsam du yod pa ni don spyir rnam pa'o/
3b4 stong pa la rnam pa gnyis te/ dngos po la stong pa dang / dngos po med pa la stong pa gnyis/ dngos po la stong pa ni don phyi'i rnam pa'o// dngos po med po la stong ni chos kyi dbyings so// yod pa la rnam pa gnyis te/ yang dag par yod
3b5 pa ni chos kyi sku'o// bden pa la gnyis/ kun rdzob kyi bden pa dang / don dam pa'i bden pa'o// kun rdzob kyi bden pa ni rmi lam lta bu'o// don dam pa'i bden pa ni mi 'gyur ba'o// sgron ma rnam pa lnga ni sgo lnga'i rnam par shes pas gsal ba'i ngo
3b6 po ste/ stong pa'i chog drug la rgyas btab pas chad pa'i mtha' gsal lo// stong pas sgron ma lnga kha rgyas btab pas/ rtag pa'i mtha' gsal ba'o// rig pa chos kyi sku la rnam par rtog pa'i bag chags smad pa'i shes pa la sems zhes
3b7 bya'o// de las yid dran byed kyi tshor ba la sogs te/ yid bzhi gcig tu 'dus pa la kun bzhi zhes bya ba ste/ de la sgo lnga'i rnam par shes pa zhes bya ste 'khor ba'i rgyud kho na'o// kum gzhi kun gyi gzhi yin te/ rnam par bya ba'i rten ma yin/ pag
iiif viewer powered by OpenSeadragon
Texts on this page
Gbr008.9 - sku'i rgyud pad+ma 'khyil pa