| e-texts navigator |
| བོད་ཡིག |
9b1 bka' stsal pa/ chos rnams lhun gyis rdzogs pa ni// rnal 'byor chen po skal ldan de// snying rje'i rlan dang ma bral bas// sems bskyed rnams gnyis de la rdzogs// bying rgod rnam gnyis skyon bral bas// zhi gnas bde ba de la rdzogs/ sgyu ma lta bum/
9b2 rab shes pas/ dngos med rtogs pa'i lhag mthong rdzogs// ser sna 'dzin pa'i sems med pas// sbyin pa'i pha rol phyin pa rdzogs// mi dge nyes byas mi 'byung bas// tshul khrims pha rol phyin pa rdzogs// chos kyi dbyings la kun shod pas// bzod pa'i
9b3 pha rol phyin pa rdzogs// lta ba'i don lam g.yos pas// brtson 'grus pha rol phyin pa rdzogs// sems nyid don la mi gol bas// bsam btan pha rol phyin pa rdzogs// chos rnams lta bas thag chod pas// shes rab pha rol phyin pa rdzogs// snang ba gang yang
9b4 mi 'gogs pas/ thabs kyi pha rol phyin pa rdzogs// mi gnas bla med den rtogs pas// smon lam pha rol phyin pa rdzogs// ma rig mun pa kun 'jom pas// stobs kyi pha rol phyin pa rdzogs// 'khor 'das ye shes lhun rdzogs pas// ye shes pa
9b5 rol phyin pa rdzogs// lus ngag de las ma nyams pas// tshogs chen ma lus thams cad rdzogs// de yang sems dpa' rdo rje khyod// dper na yid bzhin nor bu la// dgos 'dod thams cad rdzogs pa bzhin// chos nyid rig pa dbang thob pas// phyi nang dbang rnams
9b6 de la rdzogs// mi rtogs ye shes bgegs gsal bas// phyi nang mtsham bcad de la rdzogs// ma rigs rnams rtogs sgrib med pas// don gyi bshags pa de la rdzogs// gnyis med don la blo gnas pas// byin chen dbab pa de la rdzogs// nyon mongs bdud rtsi chen po lnga/
9b7 ye shes byin rlabs don la rdzogs// 'byung ba lnga yis kun khyab pas// dbang chen rim pa don gyis rdzogs// phyog bcur rang bzhin lhun grub pas// gzhal yas khang chen de la rdzogs/ rig tshor don gyi lha yin pas// ye shes lha rnams de la rdzogs// sangs rgyas
iiif viewer powered by OpenSeadragon
Texts on this page
Gbr008.11 - rdzogs pa chen po'i lta ba thams cad kyi snying po'i rgyud