| e-texts navigator |
| བོད་ཡིག |
14a1 kyi snying po las// man ngag gi gtan tshigs kyi le'u ste nyi shu rtsa gnyis pa'o// // de nas kun rig rgyal po yis/ 'khor rnams gus pa'i tshul gyis ni// rang rang rtogs pa brjod pa'i phyir// spyas sngar 'dug
14a2 nas 'di skad gsol// rig nas 'dug la bdag cag ni/ rtsa ba rang sems 'od gsal bas// rtsal bas ma rnyed rang gi sems// dmigasu med pa'i chos sku la// gang yang ma bkag na mkha' bzhin// ma sgom ma yengs bras bu rtogs// zhal mthong /
14a3 sprul pa dag gis ni// dus gsum rang sems 'gyur med don// med la mi zed mtha' bral bas// gang yang ma spangs gnas su dag/ ma rtsal brnyed na nor bu bzhin// rang sems chos kyi dbyingasu dag/ dang nyan 'khorab gyi rtog pa 'di// 'gro drug seMm
14a4 thams cad kyi/ chos sku rang chas don rtogs na// rtsol zhing sgrub pa'i nad bral nas/ ye shes ngo bo sangs rgyas te// re dogs med pa'i lam du rtogs// de skad 'arjod pa'i don gsan nas// kun rig rgyal po bka' stsal pa/ legs so dang ldan
14a5 'khor rnams nyon// tshig tu brjod pa sna tshogs kyang // don la dbyer med ngo bo cig/ cig las spros pa kun gyi dang // dbyer med don du sangs rgyas na// 'pho zhing 'gyur bar chos med do// rdzogs pa chen po'i lta ba thams cad kyi snying po las// 'khor
14a6 gyi rtogs pa brjod pa'i le'u ste nyi shu gsum pa'o// / de nas 'dus pa'i tshogs rnams la// kun rig sems kyi rgyal po yis// lta ba'i snying po'i don bstan pa// theg pa'i rgyal po lhun rdzogs 'di// skal ldan 'dus pa rnams
14a7 kyis kyang / yid la bstan cing bcang bar gyis// de yang rdo rje sem po khyod// nga yis bstan pa'i snying po 'di// log sred zhen chags ma nges pa// nam yang bstan par ma byed gcig/ nyan thos la sogs lta dman la// bstan kyang go bar mi 'gyur te/
iiif viewer powered by OpenSeadragon
Texts on this page
Gbr008.11 - rdzogs pa chen po'i lta ba thams cad kyi snying po'i rgyud