| e-texts navigator |
| བོད་ཡིག |
6a1 de la bsad par soms gyur cing // sa phyogs mnga' ris 'gegs pa'i tshe// kun bzang lta ba nges don 'di// ngo bsrungs tshul chos ma yin par// zhum med dam chos 'di 'chad pa// tsham tshom med pa dpa'
6a2 bo'i mchog/ 'jigs med ma nor ston pa la// bde gshegs rnams kyis byin gyis rlobs// mkha' gro chos skyong smos ci dgos// gnod pas mi tshugs bsod nams 'phel// de tshe nyan thos mu stegs sogs// rang rang skam
6a3 chags rtsod gyur nas// g.yul 'gyed byed cing ru tra 'dra// rims nad sna tshogs bkra mi shis// yon bdag rnams ni dad pa ldog/ 'og ma'i bstan pa 'jig pa'i rtags// phyi mar ngan song smos ci dgos// de yang 'dus
6a4 bapa'i snying po nyon// de lta bu'i dus byung tshe// gal te tshogs la chos 'chad na// nyams dang lkug pa zhen 'khon rnaMs// yod med gsher la bshag su bzhug/ de mi nus la chos mi 'chad// dper na ldum rar dug skyes na//
6a5 bdag pos dug tu shes ma thag/ rtsad nas phyung ste med par byed// de bzhin dam nyams mi mthong na// gang lan tshogs las dkar la btang // lta bshags phyed du yid la bya// de ltar ma byas phyal bzhag na// rten byed
6a6 ma thub srog gcod bzhin// nyams sgrib skyon gyi na tsha 'byung // mkha' gro 'chad pa'i rims kyis gcod// de yang 'dus pa'i snying po nyon// gal te dad pa'i gdung sems kyis// dam tshig nyams pa'i skyon 'gyod/
6a7 nas// bskang bshags g.yo rgyu med byed pa// gser dngul chag bcos phyir legs bzhin// don la brtson 'grus shin tu che// de phyir snod kyi dam pa'i mchog/ man ngag yang snying rdzogs par bstan// de don shin tu rtsal
iiif viewer powered by OpenSeadragon
Texts on this page
Gbr008.1 - rdzogs pa chen po lta ba'i yang snying / sangs rgyas thams cad kyi dgongs pa / nam mkha' klong yangs kyi rgyud