| e-texts navigator |
| བོད་ཡིག |
4b1 byang chub bde mchog rol pa thabs kyi gtso// gnyis med rol pa thugs kyi dkyil 'khor nas// byang chub sems rgyun yis thugs rje yis// skal ldan rnams la tshe'i dngos grub stsol// spros pas 'jig rten kum gyi bkrag dang ldan// aH//
4b2 pas khams gsum yongs kyi mdangs dang ldan// bsdus pas srid pa gsum gyi dbang dang ldan// bcings pas 'bral med rdo lu gu rgyud// brtan pas mi 'gyur rdo rje lhun po 'dra// bdag ni skal ldan rdo rje bde chen te/ khams gsum brjid
4b3 mchog tshe'i dngos grub stsal du gsol// de nas tshe brtan zhing bkra shis par bya ba'i phyir// rdo sems dpa'i tshe sgrub gzhung dang 'thun par byas nas// rnal 'byor tshe'ili si ti thob par byed pa ni/ rdo sems dpa' tshe bsgrub bstan pa'o// ces yes
4b4 bla ma rin po che'i rgyud bstan pa dang rdo rje sems dpa'i tshe sgrub bstan pa'i le'u ste dang po'o// / de nas byang chub sems dpa' sems dpa' chen pos dbang bskur ba'i thabs bstan cing // bkru dang bstan dang rdzogs
4b5 pa dang / mthar phyin pa'i 'dams ngag go ces 'byung ste/ slob ma snod dang ldan bya'i phyir// yis bdud rtsi chen po yis// phyi nang gsang ba'i khrus kyang bya ces 'byung ste/ lus ngag yid gsum gyis khrus kyi cho ga byas te/ snod dag par byas nas
4b6 gsang sngags kyi snod du rung bar byas la/ dbang bskur bar bya'o// de yang yis spyi thugs kyi dbang rdzogs par bya ba la/ mang spyod rdzogs pa'i sku lngas dbang bskur te/ shar gyi bum pa blangs te/ hUM shar phyogs chos dbyings dngul gyi buM ba na/
iiif viewer powered by OpenSeadragon
Texts on this page
Gbr006.26 - dbang bskur bla ma rin po che'i rgyud