| e-texts navigator |
| བོད་ཡིག |
17a1 sgo gsum gyi las la skyon du mi lta bas mi bya ba yang med de/ tshogs rnam gnyis rdzogs par bya ba 'am sgrib pa bri bar bya ba'ang med de/ chos nyid la 'bri ba 'am 'phel ba med ces 'byung ba lta bu'o// tshul bzhin tu bsgoms brtags ji lta
17a2 bu dag 'byung zhes na/ chen du rtsod bral yid la mi byed ces kyang mi 'khrugs mnyam shes dang / de ltar gong du bstan pa bzhin du ma nor bar bsgoms te/ mnyam par shes dang / rtags 'di dag 'byung ste/ gang la'ang chags dang yul gyis chos skrag med
17a3 de mi 'bral mi gnas shing / dngos po gang 'ang 'dod cing chags pa dang / yul gyi dngos po rnams ji lta ba bzhin du rig pas mos shing gti mug pa yang med/ gang gi ngo bo nyid kyang ma yin pas gang la yang mi 'dod pa 'am/ skrag pa med de/ de'i phyir
17a4 gang dang yang ma bral bar mi byed pa dang / gang la'ang dga' zhing chags pa med pa chos gang la yang gnas par mi byed do// mi 'phrogs mnyam shes bzhi po phyogs dang pha rol phyin rnams der shes te/ mi mthun pa'i phyogs kyis mi 'phrogs pa'i chos ji skad du bstan
17a5 pa ste 'dus shing 'ub par rang gi rig pas shes te/ sems kyi dbyings bsgoms pas lam gyi gzhan du bsgom pas 'od gsal mi 'gyur ro// chos tham cad ni sems kyi ngang du 'dus pas/ sems nyid la gong tu ji skad bstan pa bzhin du don ltar bsgoms pas/ ma nor ba'i
17a6 las du gyur gyi gzhan zhig tu bsgoms na/ gang ltar bsgoms kyang yang dag pa'i don la gsal zhing rig par mi 'gyur ro// bcu gnyis las brgyad pa/ brgyus pa'i thabs kyis nges pa'i don rtogs par bya ba'i thabs ji lta bu zhe na/ brdal can yang dag len
iiif viewer powered by OpenSeadragon
Texts on this page
Gbr005.7 - byang chub sems bsgom pa