| e-texts navigator |
| བོད་ཡིག |
22a1 @kyai sems dpa' rdo rje legs par nga bsgoms shig/ lhun grub rtog dpyod 'das pa'i snying po la// grub dang ma grub don la rtog mi byed// de phyir khyod kyang rtog par ma byed cig/ kye lhun grub bya btsal 'das pa'i snying po la// gang /
22a2 zhig phyogs bzlog med pa'i zhen pa ni// ji ltar bus pa mkha' la rtsod pa bzhin// kun byed nga yi rang bzhin mthong mi 'gyur// gang gis gang spangs bzlog par 'dod pa ni// re dogs 'jigs pa'i sems dang ma bral bas// mtha' bral mtha'
22a3 la zhen pa'i gang zag la// lhun grub snying po'i don la ji ltar reg/ kyai sems dpa' rdo rje legs par de bsgoms shig/ ma skyes rnam par dag pa'i don snang bas// snang ba dngos por mi lta 'jig mi byed// snang ba skye ba med par rang grol bas// /
22a4 stong pa mi bsgom ji bzhin rtogs pas grol// kyai ston pa'i ston pa kun byed rgyal po ngas// ji ltar snang ba'i chos rnams thams cad kun// ma skyes rnam par dag pa'i lung bstan pas// ji ltar skye ba snying po nyid du rtogs// kI nga las byung ba'i
22a5 sku gsum ston pa la// sems nyid skye med yin par kun smra zhing // rang bzhin med pa'i don la kun rtsod kyang // skye med mngon du kun gyis rtogs pa med// de phyir kun byed rgyal po'i lung 'di la// shes nas ma yangs don la gnas pa las//
22a6 rtsol bas mi 'jug gnyen pos sems mi sbyong // yul la mi 'jog dran pa'i sems mi sdud// gang ltar byung ba de nyid don yin pas// kun byed nga yi don la 'jug par gyis// kyai ston pa'i ston pa kun byed rgyal po yis// ma bcos sems kyi
iiif viewer powered by OpenSeadragon
Texts on this page
Gbr001.6 -