| e-texts navigator |
| བོད་ཡིག |
21a1 skye med snying po thugs kyi rang bzhin la// sgrib dang mi sgrib khyad par bstan pa med// kyai sems dpa' rdo rje legs par da bsgoms shig/ skye med chos kyi dbyings su gcig pa la// sgrib dang mi sgrib spong len gang 'dod pa/
21a2 dam pa'i snying po'i don dang 'gal bar 'gyur// kun byed byang chub sems kyis lung bstan pa// skye med bsgoms pas skye ba snying por gsal// mkha' ltar rtog dpyod 'das la gang gnas pas// sgrib dang mi sgrib byang chub sems su gnas//
21a3 kyai kun byed rgyal pos 'khor la lung bstan pa// ye shes sgrub med gsal ba'i don du bshad// rang byung rgyu rkyen med pa'i snying por gnas// rtogs pas sgro skur 'das pa'i dgongs pa yin// kyai de phyir sems dpa' rdo rje bsgoms shig/ rang
21a4 byung ye shes dmigs pa kun las 'das// rtogs pa'i dmigs pa'i don du gzhog mi byed// yul las 'das pas rnam shes bsrung mi byed// dngos po snying por gsal bas bsgom mi byed// rnam pa snying por gsal bas re dogs med// kyai
21a5 ston pa'i ston pa'i kun byed rgyal po yis// ma bcos 'khor gyi nang du lung bstan pa// ma bcos snying po chos kun rtsa ba la// ji ltar snang bas gtan la 'bebs par byed// snying po rang bzhin gcig gi don rtogs na// kun gyi rang bzhin kun byed
21a6 nyid du 'dus// des na kun byed nga yi don mkhas na// bsam gyis mi khyab chos la mkhas par 'gyur// kun byed nga yi don la goms gyur na// kun gyi don la gnas shing goms pa yin// kye sems dpa' rdo rje legs par da bsgoms shig/
iiif viewer powered by OpenSeadragon
Texts on this page
Gbr001.6 -