| e-texts navigator |
| བོད་ཡིག |
48b1 sgrub pa la ni rdo rje dam tshig gi phyag rgyas so// las thams cad sgrub pa la ni rdo rje gsang ba'i mchod pas so// dngos grub thams cad la ni rdo rje gsang ba'i bde ba chen po'i grub pas so// phun sum tshogs pa/
48b2 thams cad la ni rdo rje lhung ba las gdon pa'i phyag rgyas so// thams cad mkhyen pa'i ye shes thob pa la ni rdo rje ye shes kyi phyag rgyas so// thams cad kyi mchod pa bya ba nyid la ni rdo rje gsang ba'i gar gyis so//
48b3 rje thams cad kyi dngos grub dam pa la ni rdo rje bde ba chen po'i rdo rjes so// sems dpa' chen po thams cad kyi dngos grub dam pa las rdo rje sems dpa'i bde ba chen po de bzhin gshegs pa thams cad kyi dngos grub
48b4 dam pa la ni rdo rje sems dpa' gsang ba'i mchog gi bde ba chen pos so// rdo rje 'dzin pa thams cad dngos grub dam pa la ni bde ba chen po gsang ba'i dam tshig gi phyag rgyas so// bde ba chen po rdo rje gsang ba'i/
48b5 rtog pa'i rgyal po las/ rab tu dga' ba'i rdo rje gsang ba'i mchod pa'i cho ga rgyas pa'o// / de nas bcom ldan 'das bde ba chen po rdo rje'i dam tshig gi sems dpa'i byin gyis brlabs pa
48b6 gsang ba'i chos can rnam par snang mdzad chen po de bzhin gshegs pa thams cad kyi khu tshur yongs su 'dzin pa/ de bzhin gshegs pa thams cad kyi 'khor lo byin gyis rlob pa'i rdo rje zhes bya ba'i ting nge 'dzin
48b7 la snyoms par zhugs te/ rang gi rdo rje sems dpa' la gsol ba btab bo// bde ba chen po rab grub dang // 'dod chags chen po rnam dag phyir// de bzhin gshegs pa mtha' yas nyid// dam pa'i rigs
iiif viewer powered by OpenSeadragon
Texts on this page
Ty063-002 - dpal mchog dang po'i sngags kyi rtog pa'i dum bu zhes bya ba