| e-texts navigator |
| བོད་ཡིག |
198a1 rnams sems can thams cad la phan pa byas nas bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur pa'i dam tshig 'gron la tshud cig/ de nas/
198a2 yang phyag na rdo rjes gsol pa/ bcom ldan 'das mkha' 'gro ma la sogs pa 'di dag la nan tan ji ltar bgyi/ rims la sogs pa ji ltar bgyi/ dmyal ba la sogs pa ngan song gi 'gro ba rnams ji ltar bgyi//
198a3 bcom ldan 'das kyis gsungs pa/ dam tshig de nyid la nan tan byed du tshud cig/ de nas phyag na rdo rjes yang gsol pa/ bcom ldan 'das mi 'di rnams ji ltar nan tan bgyi/ bcom ldan 'das kyis gsungs
198a4 pa de de bzhin gshegs pa thams cad kyi dkyil 'khor chen por btsud nas rdo rje'i dkyil 'khor du tshud cig/ rdo rje'i dkyil 'khor du btsud nas dam tshig gi dkyil 'khor du tshud cig/ dam tshig gi dkyil 'khor du
198a5 btsud nas las kyi dkyil 'khor du tshud cig/ de nas phyag na rdo rje byang chub sems dpa' chen po/ bcom ldan 'das kyis gsungs pa la yi rangs te tshigs su bcad pa 'di smras so// sems can kun la phan
198a6 pa'i phyir// sangs rgyas kun gyis byin brlabs te// grub pa thams cad byed pa'i mchog/ dkyil 'khor chen po bshad par bya'o// de nas yang dag rab bshad pa// dkyil 'khor chen po dam pa ste/
198a7 chos kyi dkyil 'khor tshul 'dra bar// dkyil 'khor thams cad thig gdab bo// de la srad bu bre ba'i cho ga ni// 'di lta ste/ gsar zhing legs par byas pa dang // tshad ma bzang po'i srad bu yis// shes
iiif viewer powered by OpenSeadragon
Texts on this page
Ty062-003 - 'jig rten gsum las rnam par rgyal ba rtog pa'i rgyal po chen po