| e-texts navigator |
| བོད་ཡིག |
192b1 thams cad rnam dag pa// dag pa nyid du gyur pa ni// ji ltar lha yi nor bu ni// rang gi 'od kyis rtag tu snang // srid pa yongs su dag pa yang // rnal 'byor rnal 'byor thob byed yin// rdo rje dbyings ni gsapa/
192b2 chen du// gang zhig dbang bskur mkhas pa la// thugs kyi gsang ba'i rnal 'byor mchog/ mkhas pas de la bshad par bya// thams cad gsang ba zhes bya ba'i rgyud kyi rgyal po rdzogs so//
192b3 rgya gar gyi mkhan po pad+ma kA ra ba rma dang // zhu chen gyi lo tsa ba dge slong rin chen bzang pos bsgyur cing nus te gtan la phab pa'o// @/ rgya gar
192b4 skad du/ trai lo kya bi dzA ya ma hA kalpa rA dza/ bod skad du/ 'jig rten gsum las rnam par rgyal ba rtog pa'i rgyal po chen po// dpal rdo rje sems dpa' la phyag 'tshal lo// 'di skad bdag gis thos pa dus
192b5 gcig na/ bcom ldan 'das ri rab ri'i rtse mo na rdo rje dang nor bu rin po che'i rtse mo'i khang pa brtsegs pa na/ byang chub sems dpa' bye ba phrag du ma dang / lha dang / klu dang / gnod sbyin dang / dri za dang / mi 'am ci dang /
192b6 'byung po dang / sha za dang / brjed byed dang / ma mo rnams dang / bltar rung ba dang / bltar mi rung ba du ma sangs rgyas kyi bstan pa la mngon par dad pa rnams dang thabs cig tu zhugs te/ de nas bcom ldan 'das
192b7 phyag na rdo rje byang chub sems dpa' chen po nam mkha'i dkyil nas babs te/ bcom ldan 'das kyi zhabs gnyis la spyi bos phyag 'tshal nas// bcom ldan 'das la lan gsum bskor ba byas nas 'di
iiif viewer powered by OpenSeadragon
Texts on this page
Ty062-002 - thams cad gsang ba zhes bya ba rgyud kyi rgyal po
Ty062-003 - 'jig rten gsum las rnam par rgyal ba rtog pa'i rgyal po chen po