| e-texts navigator |
| བོད་ཡིག |
128a1 kyi rang bzhin nyid// dga' las 'das pa'i ye shes te// thabs ni shes rab ldan pa las// dus thabs bsten pa'i bdag nyid kyis// 'thob ste gzhan du de mi 'thob// chu 'gram/
128a2 chen po bas mtha' dang // dur khrong shing drung dgon pa ste// dben pa'i yul dang ma mo'i khyim// der ni mgon po 'di la 'bad// gzhan du bsgrubs kyang de mi 'grub// skad cig de la rang bzhin kun// nges
128a3 par mi snang rig pa yi// lam du gyur pa med par shes// 'bras bu de ni rgya chen te// mtha' yi 'thob pa de yin no// de nas yang thams cad kyi bdag po bde bar gshegs pas rdo rje sa'i cho ga gsungs
128a4 pang skyob pa sangs rgyas thams cad kyi// spyod pa'i tshul dang khyad par gyis// sa dang pha rol phyin pa la// lha mo khyod ni dbang du gyur// srung ba'i dkyil 'khor rab gnas pas// sdang ba'i log 'dren skye bo dang /
128a5 bgegs rnams bsal ba 'di skad gsungs// dpal ldan pa dag ni rdo rje 'dzin// bsrung ba'i 'khor lo rab sbyor bas// bdag gi ye shes rdo rje yis// lus ngag yid du bcas pa dgas// sangs rgyas kun
128a6 bdag nyid ni// khro bo gshin rje nag po'i bdag/ slob dpon gyis ni dkyil 'khor bri// zhes lan gsum gyi bar du brjod par bya'o// dkyil 'khor gyi ni drung nyid du// dar gyis gdong ni bkab pa la// sgo drung gnas
128a7 pa khyod gang yin// slob dpon gyis ni rab brjod do// des bdag skal ba ldan par brjod// ji ltar bla med dpa' bo yis// mgon la dbang ni bskur ba bzhin// bla med byang chub gnas bya'i phyir// bdag la'ang/
iiif viewer powered by OpenSeadragon
Texts on this page
Ty061-006 - gshin rje gshed dgra nag po'i 'khor lo las thams cad grub par byed pa zhes bya ba'i rgyud kyi rgyal po