rKTs

e-texts navigator

Volume

Page

83a₁ yin pa de dag thams cad bskams par 'gyur zhing ma rung bar 'gyur la med par 'gyur te/ dge slong dag de ltar na 'du byed thams cad mi rtag pa'o// de
83a₂ ltar na mi brtan pa'o// de ltar na dbugs 'byin pa ma yin pa'o// de ltar na 'gyur ba'i chos can no// dge slong dag 'du byed thams cad kyis ni ye chog go// skyo bar byas na legs so//
83a₃ ma chags par byas na legs so// rnam par thar par byas na legs so// dge slong dag gang yun ring mo zhig 'das nas zhes bya ba nas/ de'i dus kyang yod la/ de'i skabs kyang yod do zhes
83a₄ bya ba'i bar du gsungs te/ snga ma bzhin du mdo thams cad brjod par bya'o// 'jig rten 'di yang tshig la/ nam mkha' la yang rlung ldang bar 'gyur te/ de tsam gyis na 'jig rten 'di bar gyi
83a₅ bskal pa nyi shur 'jig pa der mthar thug par brjod par bya'o// gang gi tshe 'jig rten 'di bar gyi bskal pa nyi shur zhig nas gnas par 'gyur ba de yang 'byung bar brjod par bya'o// yun ring mo
83a₆ zhig 'das nas/ nam mkha' las rlung 'jam po ldang ba de'i dus kyang yod la/ de'i skabs kyang yod do// de tsam gyis na 'jig rten gyi gnas 'di bar gyi bskal pa nyi shur zhig nas gnas pa de
83a₇ mthar thug par brjod par bya'o// gang gi tshe 'jig rten 'di bar gyi bskal pa nyi shur chags pa de yang byung bar brjod par bya'o// rlung de dag kyang rgyas par gyur cing / stug por gyur pa de ni rlung gi dkyil

_{iiif viewer powered by OpenSeadragon}

82b - 83b

Texts on this page