| e-texts navigator |
| བོད་ཡིག |
65a1 rtsi rnam pa bzhi dang / sbrang rtsi dang / sbrang rang gi btung ba dag kyang yod do// yang thog rnams dang / khang pa brtsegs pa rnams dang / khyim rnams dang / khang bzangs
65a2 rnams dang / bsil khang rnams dang / ltar mo lta ba'i sa rnams dang / zam pa rnams bud med kyis tshegs kyis mdzes par byas shing lha'i bu mo mang pos bsten pa dang ka sil snyan dang
65a3 pheg rdob pa dag gis sgra snyan pa sgrogs pa dang / dri sna tshogs kyis legs par bsgos pa dang / kha zas dang / btung ba dang ldan pa dag yod de/ de na lha'i bu nyi ma 'khor dang bcas pa rtse zhing dga' la
65a4 dga' dgur spyod de ka rang gi las kyi 'bras bu nyams su myong ngo // skar ma'i gzugs rnams kyi tshad ji tsam zhe na/ smras pa/ skar ma'i gzugs rnams thams cad kyi nang na che ba gang yin pa de dag
65a5 gi ni rgyang grags bco brgyad pa'o// thams cad kyi nang na chung ba gang yin pa de dag ni rgyang grags gsum pa'o// phal cher ni rgyang grags bcu pa dang / bcu gnyis pa yin te/ dbyibs legs shing
65a6 blta na sdug la mdzes pa shel las byas pa ste/ gser gyi ra bas kun nas bskor to// ra ba de la rtsig skyabs gser las byas pa dang / dngul las byas pa dang / bai DUR+Ya las byas pa dang gshel
65a7 las byas pa rnam pa bzhi dang / mda' yab dang / ltad mo lta ba'i sa rnam pa bzhi yod do// de'i nang gi sa gzhi yang dbyibs legs shing blta na sdug la mdzes pa/ bris shing legs par bris la/
iiif viewer powered by OpenSeadragon
Texts on this page
Ty055-001 - 'jig rten gzhag pa