rKTs

e-texts navigator

Volume

Page

136b₁ rnams te/ de bas na sdom cam zhes bya'o// dka' thub can zhes bya ba ni sbyangs pa'i yon tan sna tshogs yang dag par blangs pa'o blar/ dka' thub can zhes bya ste/ de bas na dka' thub can zhes bya'o//
136b₂ rkang pa mtho zhing spyiru tshugs su// dmyal ba der ni ltung bar 'gyur// zhes bya ba ni 'jungs pa de dag gis nyes par spyod pa de dag de lta bur yang dag par blangs pa dang / kun tu spyad pas sems can dmyal
136b₃ ba chen po brgyad po de dag tu 'dor te/ de bas na/ rkang pa mtho zhing spyi'u tshugs su// dmyal ba der ni lhung bar 'gyur// zhes bya'o// dbang po nyams pa de dag 'tshed// ces bya ba ni de dag dbang po ma
136b₄ dul ba'i phyir sems can dmyal ba chen po brgyad po 'di dag tu skye zhing / nyin mtshan du 'tshed de/ de bas na/ dbang po nyams pa de dag 'tshed// ces bya'o// nya ni skam la bor ba bzhin// zhes bya ba ni rdza/
136b₅ ltar nya chu nas bton te/ skam sar bor ba rnams sdug bsngal zhing nyam thag nas 'dar ba de bzhin du/ 'jig rten 'di nas shi 'phos nas sems can dmyal ba chen po brgyad po dag tu bor te/ sdug
136b₆ bsngal zhing nyas thag nas 'dar te/ de bas na/ dbang po nyams pa de dag 'tshed// cani skem la bor ba bzhin// zhes bya'o// de ltar ces byas las byed pa// nyin mtshan du ni cho nges 'debs// zhes
136b₇ bya ba ni las dkar po spangs shing mi dge ba'i chos la zhugs pa de dag sems can dmyal ba chen po brgyad po de dag tu skyes nas/ rtag par rgyun ma chad par yun ring por nyam thag pa'i nga ros chongs 'debs

_{iiif viewer powered by OpenSeadragon}

136a - 137a

Texts on this page