rKTs

e-texts navigator

Volume

Page

359a₁ ba mthong ngam/ btsun de lta lags so// gal te to'u te ya'i bu bram ze'i khye'u ne co 'di'i tshe 'chi ba'i dus byas par gyur na ni/ lus dang bral nas shi ba'i 'og/
359a₂ tu/ dper na mda' ste'u ka 'phangs pa de bzhin du/ ngan song ngan 'gro rnam par ltung ba sems can dmyal ba rnams su skye bar 'gyur te/ 'di ltar 'dir nga la sems rab tu khros pa'i phyir ro//
359a₃ sems rab tu khros pa'i rgyus de ltar 'di na sems can kha cig lus dang bral nas shi ba'i 'og tu ngan song ngan 'gro rnam par ltung ba sems can dmyal ba rnams su skye bar 'gyur ro// de nas
359a₄ dge slong zhig gis de'i tshe tshigs su bcad de smras pa/ 'di na gang zag kha cig ni// rab tu sems khros gyur gzigs nas// ston pas dge slong tshogs rnams la// don de nyid ni lung bstan
359a₅ to// kye ma gson pa'i mi 'di ni// da ni 'chi ba'i dus byed na// de yi sems ni khros pa'i phyir// sems can dmyal ba rnams su skye// de bzhin gshegs la sems khros pa// de yi rgyus//
359a₆ ni sems can rnams// dper na mda' ni 'phangs pa bzhin// de ltar ngan 'gror 'gro bar 'gyur// de ltar to'u te ya'i bu bram ze'i khye'u ne tso bcom ldan 'das ga la ba der song ste phyin pa dang /
359a₇ bcom ldan 'das dang lhan cig tu mngon du kun dga' bar bya ba dang / yang dag par chags par bya ba'i gtam rnam pa mang po byas nas phyogs gcig tu 'dug go/ to'u te ya'i bu bram ze'i khye'u

_{iiif viewer powered by OpenSeadragon}

358b - 359b

Texts on this page