| e-texts navigator |
| བོད་ཡིག |
362a1 rnams kyi ri khrod gnas// yid kyis gnas ngan len gyis g.yogs// yid kyi rnam shes spyod pa yis// yid ni phyir phyogs rgyas par byas// rnam shes lnga po yul can dag/ 'byung ni daphyir yang ldog pa/
362a2 yin// rnam shes lnga yi yul rnams ni// sems can bzhin gnas lus cad la// kun gzhir grags pa'i chu klung la sa// dpa' rlabs bzhin du rab tu 'byung // rnam shes kun gnir mtshor gnas pa// bag chags rnams kyis brnyogs pa'i
362a3 rnams// yul gyi rlung gis spyod pa dag/ rnam par rgyun chad med par rgyu// chos la bdag med mkhas pa yi// sangs rgyas rnams dang sangs rgyas sras// bde bar gshegs pa'i gnas 'thob ste// mngon sangs rgyas zhing
362a4 chos ston to// phung po gang zag bdag med par// rab tu rnam phye mthong gyur cing // chos kyi dngos yod ma bshigs par// nyan thos de dag mngon rtogs 'gyur// bdag med gnyis la mkhas pa nyid// rgyal ba'i sras
362a5 rnams sgom par byed// rnam par bsgoms shing spong ba ni// tshul bshad bzhin du yang dag mtha'// yang dag mtha' yi bde myong zhing // snying rje med pa'i sras rnams ni// sems can dgos pa'i rgyun bcad pas//
362a6 ngag sangs rgyas mi 'thob bo// bsam yas kye ma ye shes 'di// sems can rnams kyi bde ba skyed// mkhyen cing rgyal brgyal sras rnams// blo chung rnams la tshul ston to// ji ltar 'das las byung ba yis// dge ba'i
362a7 mtshan ldan pad+mod ga/ thub pa rnams dang lha dag gi/ nye ba'i longs spyod rgyu yin no// de bzhin 'khor ba'i 'dam mtsho las// rgyal ba'i sras rnams 'byung ba ni// sangs rgyas dri med rab rnyed cing // lha la yid du 'ong ba yin//
iiif viewer powered by OpenSeadragon
Texts on this page
Ty044-005 - 'phags pa rgyan stug po bkod pa zhes bya ba theg pa chen po'i mdo