| e-texts navigator |
| བོད་ཡིག |
212a1 yin no// chos kyi rgyal po 'khor los sgyur ba lta bur chos kyi rgyal srid ston pa yang yin no// kwa'i tshogs rtse ba lta bur chos kyi sbyin bgyid pa yang yin no// klu'i bdag po
212a2 char chen po 'bebs pa lta bur chos kyi 'brug sgra mngon par sgrogs pa yang yin no// brgya byin lta bur dus su chos kyi char chen po 'bebs pa yang yin no// dpa' bos gzhan gyi dmag la bya ba lta
212a3 bur mu stegs can thams cad skrag par byed pa yang yin no// chu'i rgyun gyis me la bya ba lta bur nyon mongs pa thams cad rab tu zhi bar byed pa yang yin no// rlung gis phub ma spar gang la bya ba lta bur
212a4 bdud thams cad zil gyis gnon pa yang yin no// ma mas byis pa la bya ba lta bur sems can thams cad dang 'thun par byed pa yang yin no// sa gzhi rdzas rnams kyis mi bskyod pa lta bur bde ba dang //
212a5 sdug bsngal rnams kyis mi bskyod pa yang yin no// rlung gis shing gi lo ma rnams la bya ba lta bur phas kyi rgol ba thams cad g.yo bar byed pa yang yin no// rnam thos kyi bu rin po che thams cad 'byor pa lta
212a6 bu chos kyi nor 'thun par sbyin pa yang yin no// 'gro ba thams cad kyi bkod pa'i snying po zhes bya ba'i yid bzhin gyi nor bu rin po che lta bur sems can thams cad kyi bsam pa yongs su rdzogs par byed pa
212a7 yang yin te/ klu'i bdag po de ltar na/ mi zad pa'i za ma tog gi gzungs la gnas pa'i byang chub sems dpa' ni/ byang chub kyi snying po la gnas pa zhes bya ba'o// klu'i bdag po dper na/ rgya mtsho chen po
iiif viewer powered by OpenSeadragon
Texts on this page
Ty033-002 - 'phags pa klu'i rgyal po rgya mtshos zhus pa zhes bya ba theg pa chen po'i mdo