| e-texts navigator |
| བོད་ཡིག |
174b1 khyod kyi thad du lpags par gyur kyang gnas las ma g.yos thugs brtser ldan pa'i tho mnga' ba/ mnga' bdag khyod kyis bden dang brtul zhugs dpal dang yon tan rnams dang byams pas pham
174b2 par mdzad// de slad mi rnams su zhig deng 'dir khyod la mchod pa'i slad du khyod la ngoms par 'dzin// mnga' bdag khyod kyis chos rnams byed pa med dang ya ma brla dang zla ba 'dra ba dang
174b3 dbu ba glog sprin chu yi chu bur 'dra zhing sgyu ma smig rgyu lta bur thugs su chud// gang la rgyu med rtog pa mi 'byung khyod kyi chos de dag ni rtag tu bdag med de// de ltar 'gro ba'i 'dod pa lnga skyed mdzad
174b4 pas mnga' bdag khyod ni thar pa lags par 'os// gang gi don tu bskal pa bye ba khrag khrig mang por dka' ba rnams ni bstan pa dang // gang gi don tu rtag tu 'gro la phan mdzad 'dren pa rnams la
174b5 mchod pa mdzad pa dang // gang gi don tu sbyin dang yang dag sdom dang dul dang bzod pa rtag tu bsten pa yi// rnam 'dren khyod kyi spor lam chen po shin tu rmad du byung ba de ni rdzogs par gyur/
174b6 de nas klu'i rgyal po rgya mtshos bcom ldan 'das la tshul dang 'thun pa'i tshigs su bcad pa 'di dag gis mngon par bstod nas// bcom ldan 'das la 'di skad ces gsol to// gal te
174b7 zhus na zhu ba lung bstan pa'i slad du/ bcom ldan 'das kyis bdag la skabs phye na// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas la
iiif viewer powered by OpenSeadragon
Texts on this page
Ty033-002 - 'phags pa klu'i rgyal po rgya mtshos zhus pa zhes bya ba theg pa chen po'i mdo