| e-texts navigator |
| བོད་ཡིག |
302a1 byas pa ni mdzod spu dkar po'i 'od zer gyi mtshan zhag brgyad brgya yid la byas nas/ gdod las su bya ba'i chos gzhan bya'o// bcom ldan 'das
302a2 kyis bka' stsal pa/ rgyal po yab de bzhin gshegs pa la mtshan bzang po grangs med pa zhig mnga' ste/ mtshan de re re'i nang na yang mtshan phra mo brgyad khri bzhi stong snyed mnga'o//
302a3 de snyed kyi mtshan dang dpe byad mnga' ba yang mdzod spu dkar po'i yon tan gyi phyogs cung zad tsam yang med do// de bas na ma 'ongs pa'i skye bo dran pa rnams kyi phyir/ mdzod spu
302a4 dkar po'i mtshan shes rab chen po'i 'od zer gyis nyes pa zhi bar byed pa rjes su dran pa'i chos bshad do// gang ngan par lta ba rab tu sdig che ba dag kyang nyes pa rjes su dran pa'i
302a5 chos mtshan phun sum tshogs pa 'di thos na zhe sdang gi sems skye ba'i gnas med do// ci ste skyes na yang mdzod spu dkar po'i mtshan gyi 'od zer gyi zil gyis non te/
302a6 tshig 'di thos pa tsam gyis bskal pa gsum gyi sdig pa 'byang zhing // skye ba tha mar sangs rgyas rnams kyi spyan dang skye bar 'gyur ro// de lta bu la sogs pa 'od zer rjes su
302a7 dran pa 'od zer brgya stong snyed kyi spyod yul dam pa ni rgyas par bshad du med do// mdzod spu dkar po rjes su dran pa na mtshan bzang po rnams kyang mthong bar 'gyur ro// de la
iiif viewer powered by OpenSeadragon
Texts on this page
Ty032-011 - sangs rgyas rjes su dran pa'i ting nge 'dzin gyi rgya mtsho zhes bya ba theg pa chen po'i mdo