rKTs

e-texts navigator

Volume

Page

391a₁ mgo zlum zhing brtan par 'gyur// mchod rten bskor ba byas pas ni// stobs dang byad gzugs phun sum tshogs// yan lag thams cad mtshan rnams kyis//
391a₂ legs par brgyan cing ldan par 'gyur// mcho rten bskor ba byas pas ni// sum cu rtsa gsum dbang phyug rje// rdzu 'phrul chen po'i brgya byin du// lha yi dbang po chen por 'gyur// mchod
391a₃ rten bskor ba byas pas ni// 'thab bral lha yi dbang po dang // de bzhin yongs su dga' ldan dang // 'phrul dga' gzhan 'phrul dbang byed 'gyur// mchod rten bskor ba byas pas
391a₄ ni// tshangs pa'i 'jig rten tshangs pa yi// dbang phyug nyid du de 'gyur zhing // lha rnams bye ba snyed kyi sa mchod// mchod rten bskor ba byas pas ni// bskal pa bye ba stong dag dang //
391a₅ khrag khrig phrag brgya dag tu yang // shes rab ldan par rtag tu mchod// mchod rten bskor ba byas pas ni// bskal pa bye ba stong dag tu// lus gtsang gos kyang gtsang ba dang //
391a₆ dkar po'i chos dang ldan par 'gyur// mchod rten bskor ba byas pas ni// stobs dang brtson 'grus phun sum tshogs// de ni lel med pa dang // shin tu sgrub kyang bos par 'gyur/
391a₇ mchod rten bskor ba byas pas ni// brtson 'grus brtan zhing mthu yang brtan// rtsal brtan cis kyang mi tshugs shing // don rnams myur du grub par byed// mchod rten bskor ba byas pas

_{iiif viewer powered by OpenSeadragon}

390b - 391b

Texts on this page