rKTs

e-texts navigator

Volume

Page

271a₁ de ni srid pas rnam par bskyod pa'o// dge slong dag de la dge sbyong dang bram ze gang de dag sngon gyi mtha' la rtog cing rtag par smra ba dag bdag dang 'jig rten ni rtag
271a₂ go zhes mngon par smra zhing mngon par brjod pa ni 'di lta ste/ gzhi gzhi po dag la ste/ de yang rten cing 'brel bar 'byung ba yin par srid kyi rten cing 'brel bar 'byung ba ma yin par
271a₃ 'gyur ba de ni gnas med do// mthong ba'i chos la mya ngan las 'das par smra ba dag mthong ba'i chos la mya ngan las 'das par mngon par smra zhing mngon par brjod pa dag gzhi lnga po
271a₄ dag la ste zhes bya ba'i bar du'o// de yang rten cing 'brel par 'byung ba yin par srid kyi/ rten cing 'brel par 'byung ba ma yin par 'gyur ba 'di ni gnas med do// dge slong dag de
271a₅ la dge sbyong dang bram ze gang de dag sngon gyi mtha' la rtog cing rtag par smra ba dag mthong ba'i chos la/ bdag dang 'jig rten ni rtag go zhes mngon par smra zhing mngon par brjod pa ni gzhi
271a₆ gzhi po dag la ste/ de yang reg pa'i rkyen las byung bar srid kyi reg pas byung ba las gnas gzhan pa'i tshor bar 'gyur ba 'di ni gnas med do// phyi ma'i mtha' la rtog cing zhes bya ba ni mthong
271a₇ ba'i chos la mya ngan las 'das par smra ba dag mthong ba'i chos la mya ngan las 'das par mngon par smra zhing mngon par brjod pa ni 'di lta ste/ gzhi lnga po dag la'o zhes bya ba'i bar du'o//

_{iiif viewer powered by OpenSeadragon}

270b - 271b

Texts on this page