| e-texts navigator |
| བོད་ཡིག |
69b1 sangs rgyas kyi zhing kun tu rgyu bar byed kyang / chos kyi dbyings dang mi 'bral 'gang yin pa 'di ni/ byang chub sems dpa'i rtsol ba med pa'i ye shes shes bya'o// byang chub sems dpa' rnams ni 'di lta bu'i/
69b2 ye shes dang ldan pa'i phyir/ sems can thams cad kyi re ba yongs su rdzogs par byas kyang gang byas pa de dag la mngon par zhen pa'ang med do// de'i tshe bcom ldan 'das kyis
69b3 rtsol ba med pa'i ye shes 'di bstan pa na/ stong gsum gyi stong chen po'i 'jig rten gyi khams 'di rnam pa drug tu g.yos par gyur to// brgya byin khru'i dbang po'ang sum cu rtsa gsum gyi lha rnams dang bcu
69b4 par steng gi ba ra snang las me to ga man da ra ba dang / ut+pa la dang / ku mu da dang / pad+ma dang / puN+Da ri ka dang / tsan dan gyi phye ma'i char mngon par pha ba ste/ bcom ldan 'das la mngon par gtor to// lha'i rnga rnams
69b5 kyang rang sgra byung bar gyur to// ngo mtshar rmad du byung ba'i snang ba chen pos kyang kun tu snang bar byas te/ sems can grang la reg par gyur pa de'i lus kyang shin tu bsil bar gyur to//
69b6 de nas bcom ldan 'das kyis/ byang chub sems dpa' glog thob la bka' stsal pa/ glog thob 'das pa'i de bzhin gshegs pa dgra bcom pa yang dag par rdzogs pa'i sangs rgyas kyis kyang
69b7 gnas 'dir chos kyi rnam grangs 'di lta bu gsungs so// ma byon pa'i de bzhin gshegs pa rnams 'jig rten du 'byung ba'i tshe'ang gnas 'dir chos kyi rnam grangs 'di lta bu gsung bar 'gyur ro//
iiif viewer powered by OpenSeadragon
Texts on this page
Ty017-002 - 'phags pa glog thob kyis zhus pa zhes bya ba theg pa chen po'i mdo