| e-texts navigator |
| བོད་ཡིག |
310a1 bzod pa gsum thob skye ba'i spyod yul ma yin te// sangs rgyas tshul dang yon tan dag la rab tu gnas// 'di ni 'jig rten gang du rgyu ba byed pa na// der ni skye bo mang po rnam
310a2 par grol bar byed// sangs rgyas kyi ni sras 'di gang du gnas pa der// de bzhin gshegs pas yul ni stongs pa ma yin te// de la lha dang bcas pa'i 'jig rten ma lus pas// ji ltar sangs rgyas
310a3 bzhin du 'di la gus par gyis// da ni mya ngan 'das nas nyams pa'i dus bab tshe// nges pa 'di ni sangs rgyas spyod pa spyad nas kyang // sngon chad gnas pa mngon par dga' ba'i 'jig rten khams// /
310a4 mi 'khrugs 'jig rten nyid du phyir yang 'gro bar 'gyur// brten po srog chags rnams la phan par bya ba dang // zhing gi 'byor pa dag ni yongs su btsal ba dang // byang chub tu ni sems can yongs su smin
310a5 bya'i phyir// bskal pa mangs med gsum du spyad pa spyod par byed// de yi 'og tu de ni skyob pa rgyal bar 'gyur// ming ni 'jig rten rgyal po dbang phyug ces kyang bya// de bzhin gshegs pa mi 'khrugs
310a6 pa zhes bya ba yi// zhing dang de yi 'jig rten du ni mtshungs pa yin// 'jig rten khams de lags par sprul pa zhes bya ste// yon tan thams cad dang ni ldan par 'gyur ba yin// de yi tshe yi tshad
310a7 ni lo khrir thub par 'gyur// de yi dge 'dun shin tu mang ste bgrang las 'das// nyan thos theg pa can gyi dge 'dun nyung bar 'gyur// phal cher byang chub don du brtson pa byas nas su// de dag thams cad
iiif viewer powered by OpenSeadragon
Texts on this page
Ty017-009 - 'phags pa nges pas zhus pa zhes bya ba theg pa chen po'i mdo