| e-texts navigator |
| བོད་ཡིག |
309a1 pa sngon gyi tshul phun sum tshogs pa/ bzod pa gsum thob pa/ spobs pa thob pa/ mngon par shes pas rnam par rtse bar byas pa/ sems can yongs su sbyin par bya
309a2 ba la mkhas pa ste/ ngan cing dbul bas sems can rnams 'dul bar byed do// gsol pa/ bcom ldan 'das 'dis ngan cing dbul ba 'dis sems can ji snyed cig btul lags/ bcom ldan
309a3 'das kyis dka' stsal ba/ kun dga' bo lha'i bu 'bum phrag mang po dag bla na med pa yang dag par rdzogs pa'i byang chub tu yongs su smin par byas te/ mi rnams kyang de dang 'dra'o// kun dga' bos
309a4 gsol pa// bcom ldan 'das ji srid cig na ni bla na med pa yang dag par rdzogs pa'i byang chub mngon par rdzogs par 'tshang rgya bar 'gyur/ 'di'i sangs rgyas kyi zhing gi bkod pa rnams ni ci 'dra ba
309a5 zhig tu 'gyur/ ming ni ji skad ces bgyi ba zhig tu 'gyur lags/ 6/ de nas bcom ldan 'das kyis// tshe dang ldan pa kun dga' bo la tshigs su bcad de bka' stsal pa/ sems can don la brtson
309a6 dang brtul zhugs brtan pa dang // grags pa rgya chen dag gis bsam pa khyab byas dang // byang chub yon tan gnas pa'i spyod pa ci 'dra ba// ngas ni khyod la bshad kyis kun dga' khyod nyon cig
309a7 'di na rgyal la mchod mchog phyir ni gus byed cing // dam pa'i chos ni bsrung phyir rab tu brtson byed pa// nges pa yi ni spyod po'i rnam pa gang yin pa// de dag 'dir ni bzang bar nus par mi 'gyur ro//
iiif viewer powered by OpenSeadragon
Texts on this page
Ty017-009 - 'phags pa nges pas zhus pa zhes bya ba theg pa chen po'i mdo