rKTs

e-texts navigator

Volume

Page

303b₁ gzugs kyi sku mthong ma// bdag kyang 'di 'dra bar gyur cig ces bla na med pa yang dag par rdzogs pa'i byang chub tu sems skyed pa dang / de bzhin gshegs pa ni slu bar mi mdzad pa'i phyir lhag pa'i bsam pa yongs
303b₂ su dag par sems skyed pa dang / sems can thams cad rton cing cher na rab tu grol bar bya ba'i phyir yang sems skyed pa dang // dkon mchog gsum gyi gdung mi 'chad par bya ba'i phyir dam pa'i chos yongs su
303b₃ bzung bar yang sems de skyed pa ste/ bzhi po de dag dang ldan na// de bzhin gshegs pa legs par mthong ba yin no// gzhan yang bzhi ste/ gzugs dben par mthong ba dang / tshor ba dang / 'du shes dang /
303b₄ 'du byed dang / rnam par shes pa dben par mthong ba dang / khams bzhinam mkha' dang 'dra bar mthong ba dang / skye mched grong stong pa lta bur mthong ba ste/ bzhi po de dag dang ldan na// de bzhin gshegs pa
303b₅ legs par mthong ba yin no// gzhan yang bzhi ste/ bdag med pa'i phyir bdag rnam par dag pa dang // sems can med pa'i phyir sems can rnam par dag pa dang / srog med pa'i phyir srog rnam par
303b₆ dag pa dang / gang zag med pa'i phyir gang zag rnam par dag pa ste/ bzhi po de dag dang ldan na// de bzhin gshegs pa legs par mthong ba yin no// gzhan yang bzhi ste/ lha'i mig mngon par 'du byed pa med pa dang /
303b₇ shes rab kyi mig kun tu spyod pa dang / chos kyi mig gis so sor rtog pa dang / sangs rgyas kyi spyan rjes su rtogs par byed pa ste/ bzhi pa de dag dang ldan na// de bzhin gshegs pa legs par mthong ba yin no//

_{iiif viewer powered by OpenSeadragon}

303a - 304a

Texts on this page