| e-texts navigator |
| བོད་ཡིག |
430b1 par 'byung ba 'phags pa'i bden pas rig pa dang yang dag par rab tu ldan pa ni gleng gzhi dang yang dag par rab tu ldan par bsdus so// gang nyan thos kyi bshad pa mang ba ni de nyan thos kyis bshad par bsdus so//
430b2 gang sangs rgyas kyi bshad pa mang ba de ni sangs rgyas kyis bshad par bsdus so// gang dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po lnga dang / byang chub kyi yan lag dang /
430b3 lam gyi yan lag de dag dang yang dag par rab tu ldan pa ni/ de lam gyi yan lag tu bsdus so// gang yang dag par brjod pa mang ba'i mdo sde ni/ de yang dag par brjod pa'i sder bsdus so// tshigs su
430b4 bcad pa bcas par yang dag par ldan pa ni/ yang dag par ldan pa'i ming zhes bsdus so// gang mdo sde ring po ni de lung ring por bzhag go// gang bar ma'i mdo sde de dag ni de lung bar mar bzhag go//
430b5 gang tshig gcig dang tshigs gnyis zhes bya ba nas/ tshig bcu zhes bya ba'i bar ni gcig las 'phros pa'i lung zhes bya'o// de nas tshe dang ldan pa 'od srungs chen pos/ tshe dang ldan pa kun dga' bo la 'di skad
430b6 ces smras so// tshe dang ldan pa kun dga' bo khyod kyi lung de snyed cig gam/ tshe dang ldan pa 'od srungs chen po de snyed cig lags te/ 'di las lhag pa med do zhes smras nas seng ge'i khri las babs
430b7 so// de nas tshe dang ldan pa 'od srungs chen pos smras pa/ tshe dang ldan pa dag bcom ldan 'das kyi mdo sde ni ma lus par bsdus zin pas/ da ni 'dul ba bgro bar bya'o// de bzhin du bgyi'o//
iiif viewer powered by OpenSeadragon
Texts on this page
Ty009-001 - 'dul ba phran tshegs kyi gzhi