| e-texts navigator |
| བོད་ཡིག |
84a1 rgyas dpal nor bu rin po che las byung ba zhes bya bar 'gyur te/ 'jig rten gyi khams de'ang lha'i rin po che sna tshogs kyis brgyan par 'gyur ro// 'jig rten gyi khams der de
84a2 bzhin gshegs pa de nyid snang bar mdzad par 'gyur la/ 'jig rten gyi khams de na gnas pa'i byang chub sems dpa' de dag kyang rang las 'od 'byung zhing tshe dpag tu med par 'gyur ro// nam mkha'
84a3 las kyang sangs rgyas dang / chos dang / dge 'dun gyi sgra 'byung bar 'gyur ro// sangs rgyas kyi zhing der byang chub sems dpa' gang dag skye bar 'gyur ba de dag thams cad kyang pad+ma'i snying po dag
84a4 las skye bar 'gyur ro zhes lung bstan to/ / de la ming brgya rtsa brgyad dri ma med pa lta bu zhes bya ba'i bstod pa rgyun chags bcu gnyis gang zhe na/ 'jigs pa med pa spyan ras gzigs dbang phyug lha
84a5 mo chen mo dpal gyi ming rnam par nyon cig/ 'di lta ste/ de bzhin gshegs pa thams cad kyis dbang bskur ba/ lha thams cad kyis dbang bskur ba/ de bzhin gshegs pa thams cad kyi yum/
84a6 lha thams cad kyi ma/ de bzhin gshegs pa thams cad kyi dpal/ byang chub sems dpa' thams cad kyi dpal/ 'phags pa nyan thos dang rang sangs rgyas thams cad kyi dpal/ tshangs pa dang /
84a7 / khyab 'jug dang / dbang phyug chen po rnams kyi dpal/ lha la sogs pa thams cad kyi dpal/ gnas thams cad yod pa'i dpal/ lha dang / klu dang / gnod sbyin dang / dri za dang / lha ma yin
iiif viewer powered by OpenSeadragon
Texts on this page
S692 - 'phags ma lha mo chen mo dpal lung bstan pa