| e-texts navigator |
| བོད་ཡིག |
31a1 lus 'di mkha' la cher song nas// rgyal ba'i zhing khams thams cad du// rgyal ba dam chos mnyan nas kyang // rgyal sras kun la bshad pa dang // skad cig mkhyen pa'i shes pas
31a2 kyang / / shes bya ma lus phyogs khyab pa// lus ngag yid la gnas pa'o// sems dang yid ni 'dres pa'i tshe// ye shes bde bar shar ba ni// dus gsum sangs rgyas thams cad kyis// dbyer med tshul
31a3 du skyob ces gsungs/ / 'phags pa khro bo'i rgyal po'i rtogs pa bsdus pa'i rgyud las// lhag par gnas pa'i don yongs su bkod pa'i le'u ste dang po'o// // zhi bas btul dka' bgegs/
31a4 chen dang // log 'dren de rnams 'dul ba'i phyir// sems kyi bye brag thugs chud nas// de dang gzugs 'jal gzhom pa'i phyir// rtog med nam mkha'i lam gnas te// rdzogs sangs gdul dka' 'dul
31a5 mdzad sku/ / rab 'phags khro bo stobs chen dpal// sangs rgyas kun gyi sras kyi sras// mi g.yo'i mtshan grags de la 'dir// rgyal dang rgyal sras rtag phyag 'tshal// tshangs sogs lha dang lus can kun/
31a6 de la rtag tu mchod par byed// rgyal bas byas gzo rgyal sras kyi// smon rdzogs bsam gyis mi khyab pa'i// ye shes rdzogs nas mi g.yo'i sa// thob pas mi g.yo ba zhes bya// phas kyi rgol 'joms dpa' bo ste/
31a7 tshar gcod pa ni khro bo yin// sngags kyi bden tshig mi slu bas// nyan thos bdud tshogs kyis mi g.yo// rtog med bdud rtsi khro bas rgyal// rdzu 'phrul bskyod med mi g.yo ba// de bzhin nyid kyi snying po mchog/
iiif viewer powered by OpenSeadragon
Texts on this page
S590 - 'phags pa rdo rje khro bo'i rgyal po'i rtog pa bsdus pa'i rgyud ces bya ba