| e-texts navigator |
| བོད་ཡིག |
286b1 chus yongs su gang bas mdzes par byas pa/ dar gyi lnga ldi bres shing dpyangs pa/ rin po che'i skud pas mig mangs ris su bres pa/ nye ba'i nyon mongs pa dang bral ba/ sdug bsngal/
286b2 dang yid mi bde ba med pa/ bud med kyi dngos po med pa/ byang chub sems dpa' dag pa rnam kyis rol mo'i sgra dang / sil snyan dang / glu dbyangs ma blangs par sgra 'byung ba/
286b3 sil snyan de dag las dngos po med pa'i ngo bo nyid kyi sgra dang theg pa chen po'i gtam gyi sgra 'byung ba/ sgra de thos pas sems can thams cad sangs rgyas kyi byang chub las phyir mi ldog par
286b4 'gyur pa'o/ / 'jam dpal bcom ldan 'das de'i sngon gyi smon lam gyi thabs mkhas pa dang / sangs rgyas kyi zhing gi yon tan bkod pa du ma phun sum tshogs pa ni de lta bu'o//
286b5 bcom ldan 'das de bzhin gshegs pa gsar bzang dri med rin chen snang brtul zhugs grub pa de bla na med pa yang dag par rdzogs pa'i byang chub mngon par rdzogs par sangs rgyas nas
286b6 sngon gyi smon lam gyi stobs kyis byang chub kyi shing drung du bzhugs te/ sems can 'dod chags dang / zhe sdang dang / gti mug gis bsgribs pa rnams gzigs shing / nang
286b7 sna tshogs kyis lus gzir ba/ 'chi ba dang / dgra dang / dgon pa'i gnod par gyur pa/ tshe bskal par thub pa'i sems can dmyal bar gzhol ba'i sems can rnams
iiif viewer powered by OpenSeadragon
Texts on this page
S463 - 'phags pa de bzhin gshegs pa bdun gyi sngon gyi smon lam gyi khyad par rgyas pa zhes bya ba theg pa chen po'i mdo