| e-texts navigator |
| བོད་ཡིག |
91b1 brjod dgod/ / mdun du bdud las rnam par rgyal// mdzad pa'i sangs rgyas yang dag bri// g.yas su byang chub sems dpa' yi// nor chen pos ni dbang bskur ba// rgyab tu byang chub sems
91b2 dpa' dang / / mnyam du chos kyi 'khor lo bskor// g.yon du log par rnams dregs pa// sdig pa bsdus par 'byin pa'o// de nas 'di rnams kyi snying po ni/ badz+ra satwa/ badz+ra rat+na/
91b3 badz+ra d+harma/ badz+ra karma/ de nas phyag rgya rnams te/ satwa badz+ra/ badz+ra rat+ne/ badz+ra pad+me/ bi shwa badz+ra/ mtshams kyi char ni rdo rje dang // rin chen sdong bu nor bu bri'o// mtshams rnams su
91b4 ni lha mo ste/ / lcags kyu la sogs sgo rnams su// de bzhin snga ma ji lta bar// 'khor lo de ni rtag par bya// mchod pa'i thal mo snying khar bcings// g.yon du de bzhin bskor bar bya//
91b5 me tog dang bcas phyag rgya 'di// sangs rgyas kun gyi dam tshig rim// me tog bcas te snying khar bcing // bsam pa g.yos pas gdung par bya// mgon la mgo bos phyag byas
91b6 la skor ba lan gsum byas nas ni/ / zhugs nas me tog dor bar bya// shin tu gsang ba yang dag dgug/ de la de bzhin gshegs pa thams cad mnyes par bya ba dang / dbang du bya
91b7 ba dang / dgug pa dang / bsgrub par bya ba'i snying po 'di yin te/ oM a kA ro mu khaM sarba d+harmA NAM/ A d+ya nuha ban na tAta/ de nas cho ga ji bzhin du// ston la me tog sil ma dor//
iiif viewer powered by OpenSeadragon