| e-texts navigator |
| བོད་ཡིག |
67a1 mchod pa'i cho ga rgyas pa'i dngos grub myur du thob par 'gyur ro// de nas phyag rgya thams cad bcing ba sgrub pa ni/ nyin re mngon du lan cig tu// snying po rang nyid sgrub pa ste/
67a2 rang gis bcings nas mdor bsdus pa// phyag rgya thams cad grub par 'gyur// de nas phyag rgya thams cad kyi gsang ba grub pa ni/ snying po'i phyag rgya sngags rig pa'i// sgrub pa 'di ni rmad
67a3 du byung / / ci nus ci 'dod bzlas pa yis// nye ba'i snying po gsang ba'o// don yod thogs med gsang ba dang // rang bzhin grub pa de bzhin du// bsod nams med pa rnams la yang //
67a4 dngos grub kun la grub par 'gyur// dkyil 'khor ma zhugs pa rnams la// snying po mchog 'di sbyin mi bya// gsang ba'am gsang rgyud dam pa ni// gal te dngos grub yid 'ong
67a5 'dod/ / gang gi khyim du gnas gyur pa'i// phyag rgya sngags 'di dge ba ste// gzhan gyis mi thub mi sod cing // dngos grub thams cad thob par 'gyur// sems can thams cad bde
67a6 don dang / / sgrub pa thams cad sgrub pa'i phyir// sras bcas sangs rgyas thams cad kyis// rdo rje mchog 'dzin de la zhus// bde ba chen po rab bsgrub dang // chags pa chen po
67a7 rnam dag phyir/ / rtogs pa thams cad bsdus pa'i rgyud// sems dpa' chen po bshad du gsol// rnam rtog med pa'i chos rnams la// 'dir ni rtog pa gang zhig brjod// snying po
iiif viewer powered by OpenSeadragon