| e-texts navigator |
| བོད་ཡིག |
180b1 rgyas pa pad+ma'i rdo rje can// dbang la rnam par snang mdzad gnas// rdo rje khro bo mngon spyod la'o// zhi ba dgongs ka bya ba yin// de bzhin rgyas pa snga dro la// gdug pa'i las rnams nyi ma'i gung // dbang
180b2 gi las ni mtshan phyed bya/ / zhi la dkar po sbyar bar bya// ser por snang ba rgyas pa la// dbang gi las la dmar po ste// gdug pa nag por rab tu sbyar// ting 'dzin ye shes las byung ba// las
180b3 kyi sgrub pa dam pa yin/ / bcom ldan dag pa bsgom bya ste// sangs rgyas kun las mi g.yo gyur// b+ha ga'i dbus su gsang ba'i bdag/ rdo rje dbyings ni de bzhin gshegs// lnga yi bdag gyur
180b4 bdag nyid ni/ / bsgoms na g.yo ba med par 'gyur// snying la gnas pa'i lha mo che// rnal 'byor pa yi rnal 'byor bskyed// sangs rgyas thams cad skyed mdzad yum// rdo rje dbyings kyi dbang mor bshad//
180b5 'dod chags zhe sdang gti mug ste// 'di dag 'jig rten dug gsum yin// sangs rgyas bcom ldan dug mi mnga'// rdo rje dbyings ni de bzhin gshegs// chags dang sdang dang rmongs pa rnams// bsgoms
180b6 nas khams gsum pa yi bdag/ sangs rgyas bcom ldan 'das gyur te// sangs rgyas bden pas dug bcom mo// rang sems so sor rtogs pa yis// gti mug sems ni de bzhin gshegs//
180b7 rmongs pa nyid ni 'jig rten gyur// sems can kun la blta bar bya// zhe sdang rnams ni de bzhin gshegs// phra mo'i ye shes yang dag bskyed// sdang gyur rdo rje nyid du gyur// sems can thams
iiif viewer powered by OpenSeadragon
Texts on this page
S440 - thams cad gsang ba zhes bya ba rgyud kyi rgyal po