| e-texts navigator |
| བོད་ཡིག |
130b1 gcod gsol bas sku yi dang / / hUM dang phaT kyi gdug rtsub sbyor bas gsung // kun gyi rang bzhin khyod kyi gshin rje yi// lhor 'dzud bka' las des kyang mi 'da' zhing // phyogs bcu'i sprul pa'i gnas nas
130b2 'gugs mdzad pa/ / ma lus kun byed 'khor lo tsha mchog la// gzhan gyi don rdzogs gus pas phyag 'tshal lo// khyod ni dpa' bo thub chen kun gyi bdud// nga yis lam bstan bdud rnams mi phyed kyang // dam
130b3 las 'da' zhing log pa kun skyed la/ / khyod kyang bka' las ma 'da' las rnams sgrubs// tshe dang srog bsdus yan lag rnam par bcings// bdud rtsi chu rgyun rnal 'byor nga la 'dod sgrub na// ngas ni sbyin bya khyod ni/
130b4 dam las ma 'da' zhig/ ces dpal gshin rje dgra nag po'i 'khor lo gzhan gyi lto ba la gnas 'cha' bar 'dod pa'i gtan 'pho ba ma yin pa'i tshe bya'o// 'khor lo sgang khar lta ba'i tshe// sa bon tshul te lte ba la// yi ge ma lus
130b5 'dod pa yang / / mtshan nyid ngan pa'i rtog pa las// grol te mtha' gsum ngo bo las// k+Sha ni zad pa'i bdag nyid la// u ni hUM gi bdag nyid de// de ni sems kyi rang bzhin nyid// dga' las 'das pa'i ye shes te// thabs ni/
130b6 shes rab ldan pa las// dus thabs bsten pa'i bdag nyid kyis// 'thob ste gzhan du de mi 'thob// chu 'gram chen po bas mtha' dang // dur khrod shing drung dgon pa ste// dben pa'i yul dang ma mo'i khyim// der ni mgon
130b7 po 'di la 'bad/ / gzhan du bsgrubs kyang de mi 'grub// skad cig de la rang bzhin kun// nges par mi snang rig pa yi// lam du gyur pa med par shes// 'bras bu de ni rgya chen te// mtha' yi 'thob pa de yin no// de nas yang
iiif viewer powered by OpenSeadragon
Texts on this page
S432 - gshin rje gshed dgra nag po'i 'khor lo las thams cad grub par byed pa zhes bya ba'i rgyud kyi rgyal po