| e-texts navigator |
| བོད་ཡིག |
124b1 'khor lo 'dir ni bcug pa gang // sangs rgyas kyang ni nges par 'jig/ dam chos smod pa'ang de bzhin zhi// 'khor los sgyur ba'ang dbang du 'du// lha min pra ti'ang zhi bar byed// dgra bcom gsod
124b2 pa'ang de zhi la/ / brgya byin nyid kyang dbang du nges// de lta bu yi 'khor lo de// thog mar bris te de 'og tu// byin brlabs ma nor de nyid la// mchod pa gus par bdag gis bya// mchod min las rnams
124b3 byed pa la/ / 'bras bu 'byung min 'khrul pa la'ang // 'bras med ngal ba nyid yin no// yang lha mo ro langs ma nyid stan las langs te mchod pa chen po byas te 'di skad ces gsol ba btab bo// 'khor lo/
124b4 'dri ba'i snag tsha gang // bri gzhi smyu gu ji lta bu// gcig gam 'on te de tha dad// bcom ldan 'das kyis bshad du gsol// bcom ldan 'das kyis bka' stsal pa/ legs so legs so// de'i
124b5 phyir legs par nyon la yid la zung zhig dang ngas bshad do/ / ji ltar las rnams bye brag yod pa ltar// bri ba'i gnas dang bzhugs pa'i gnas// tha dad de bzhin 'khor lo sgrub// snag che tha dad 'bru
124b6 rnams bzhin/ / grong khyer chen po bsrung 'dod dam// skyes pa bsrung bar 'dod na yang // gro ga de bzhin u b+hi shun// zla gor zho sha'i shun pa 'am// ras la kha ches 'khor lo ni// bskul ba'i tshig
124b7 dang ldan par ro/ / so ma btang ba'i kham por du// sdang mar dag dbus 'khor lo gzhug/ skud pa dkar pos legs par dkri// nang par shar du kha bltas te// me tog dkar po dag gis mchod/
iiif viewer powered by OpenSeadragon
Texts on this page
S432 - gshin rje gshed dgra nag po'i 'khor lo las thams cad grub par byed pa zhes bya ba'i rgyud kyi rgyal po