| e-texts navigator |
| བོད་ཡིག |
124a1 mi ldog pa yi sems su gnas// byang chub chu yis ra ro zhing // shes rab pha rol phyin pa yi// phyag rgya che la de gzhol te// ngo bo dang bral dngos po 'jig/ ma byin byang chub
124a2 blang ba la/ / brtson pas le lo dor bar bya// brdzun du shes bya dngos po rnams// de nas de bzhin gzhan la brjod// rgyas btab pa yi dngos po la// rgya bshig shes rab ral gri yis// bcad
124a3 cing rnam pa med pa la/ / bsad pa yang ni nga yis bsgrags// u med pa yi yi ge rnams// steng gi g.yas phyogs nyid nas bri// 'og gi yi ge bri ba ni// de nyid g.yon gyi phyogs nas bri//
124a4 A li kA li nges bris te// k+Sha ma gtogs par dbus stong ste// de la bgegs kyi mtshan ma 'am// ming srog nges par bri ba yang // lto ba'i nang du chud par bri// 'khor lo nyid kyang de 'dra ba//
124a5 bzhi dag tu bri ba ni// ma ning 'dod pa'i kA li dang // A li min te lhag ma yin// gdug pa'i yi ge bcu bzhi po// ming dang bcas par phyogs bzhir bri// dbyangs kyi yi ge bzhi pa yis// bzhi
124a6 pa gcig gi mgo stengs su/ / gsum skor nyid ni shis pa yin// las kun byed pa'i 'khor lo de// 'dri bar byed pa'i spyi dus dang // khyad par dus tshes lha yi ni// rnal 'byor med pas bya ba min//
124a7 phyogs su blta ba'i bye brag gis// las kyi sgrub pos shes par bya// las kun byed pa'i 'khor lo no// bde gshegs kun gyi snying po ste// de bzhin gshegs pa'i gsang ba'ang yin/
iiif viewer powered by OpenSeadragon
Texts on this page
S432 - gshin rje gshed dgra nag po'i 'khor lo las thams cad grub par byed pa zhes bya ba'i rgyud kyi rgyal po