| e-texts navigator |
| བོད་ཡིག |
44b1 rgyal po'i rgyud kyi rgyal po rmad du byung ba rdzogs so/ / / rgya gar gyi mkhan po ga ya d+hudUr dang / lo tsa ba dge slong shAkya ye shes kyis bsgyur ba'o//
44b2 rgya gar skad du/ shrI badz+ra sid+d+hi dz+wa la saM ba ra tan+t+ra rA dza/ bod skad du/ dpal rdo rje grub pa'i dra ba'i sdom pa'i rgyud kyi rgyal po/ dpal rdo rje mkha' 'gro la phyag 'tshal lo//
44b3 'di skad bdag gis thos pa dus gcig na/ bcom ldan 'das dga' ldan gyi gnas na/ rin po che khang bzang gi nang na byang chub sems dpa' byams pa dang / dga' ba'i 'od dang / dri ma med pa'i
44b4 'od la sogs pa dpa' bo dang rnal 'byor ma'i 'khor dpag tu med pa dang / de bzhin gshegs pa thams cad kyi de kho na nyid btsun mo'i b+ha ga la bzhugs pa'i dus su/ rigs sgyu ma'i dbang du
44b5 mdzad de/ thams cad kyis lha'i phyi nang gi gsang ba bla na med pa'i mchod pas mchod pa'i dus su/ byang chub sems dpa' byams pas/ bcom ldan 'das kyi zhabs la spyi bos phyag 'tshal
44b6 te/ thal mo sbyar te gsol pa/ mgon po thugs rje che ldan pa// de nyid don dam gang yin pa// dpal dang rdo rje'i don dang ni// dra ba sdom pa rgyud kyi don// nges bstan sdom pa gang yin pa/
44b7 de nyid bdag la bshang du gsol// bcom ldan 'das kyis bka' stsal pa// byams pa la sogs 'khor rnams kun// rgya rol don la yangs pa'i sems// nang du bsdus la rtse gcig nyon
iiif viewer powered by OpenSeadragon
Texts on this page
S372 - dpal stobs chen ye shes rgyal po'i rgyud kyi rgyal po
S373 - dpal rdo rje grub pa dra ba'i sdom pa'i rgyud kyi rgyal po