| e-texts navigator |
| བོད་ཡིག |
82a1 de ni ri'i rgyal po seng ldeng can zhes bya ba yin te/ dpag tshad brgyad khri ni chu'i 'og gser gyi sa gzhi chen po la brten to// dpag tshad khri ni chu las gyen du 'phags so// zheng du
82a2 yang de dang 'dra ste/ dbyibs legs shing blta na sdug la mdzes pa gser las grub pa yin no// yun ring mo zhig 'das nas chu'i rgya mtsho chen po de'i steng du bltas pa dang / phyi rol du bltas pa'i
82a3 rlung kho ra khor yug nas gru bzhir ldang ba de'i dus kyang yod la/ de'i skabs kyang yod de/ de dag gis chu de dag kun tu sdud cing 'thas par byed do// kun tu bsdus shing kun tu 'thas par byas
82a4 nas thur du yang zug par byed cing gyen du yang 'byung bar byed do/ / de ni ri'i rgyal po blta na sdug ces bya ba yin te/ dpag tshad brgyad khri ni chu'i 'og gser gyi sa gzhi chen po la brten to//
82a5 dpag tshad lnga stong ni chu las gyen du 'phags so// zheng du yang de dang 'dra ste/ dbyibs legs shing blta na sdug la mdzes pa/ gser las grub pa yin no// yun ring mo zhig 'das nas
82a6 chu'i rgya mtsho chen po'i nang du bltas pa dang / phyi rol du bltas pa'i rlung kho ra khor yug tu gru bzhir ldang ba de'i dus kyang yod la/ de'i skabs kyang yod de/ de dag gis chu de dag kun tu sdud
82a7 cing kun tu 'thas par byed do/ / kun tu bsdus shing kun tu 'thas par byas nas/ thur du yang zug par byed cing gyen du yang 'byung bar byed do// de ni ri'i rgyal po rta rna ri zhes bya ba yin te/
iiif viewer powered by OpenSeadragon
Texts on this page
S313 - 'jig rten gzhag pa