| e-texts navigator |
| བོད་ཡིག |
78b1 la/ kun tu rab tu 'bar te/ me lce gcig tu sreg cing bsregs pa'i me lce rlung gis gyen du khyer nas/ tshangs pa'i gzhal med khang stong pa rnams kyi bar du sreg cing 'gro ste/ 'od gsal gyi lha'i ris nas/
78b2 sems can gang skyes nas ring por ma lon pa 'jig rten 'di 'jig pa'i rgyus la mi mkhas shing / tshangs pa'i rgyus la mi mkhas pa de dag gis me lce de mthong nas/ me lce 'di tshangs pa'i gzhal med khang/
78b3 stong pa'i bar du bsregs nas/ 'di nyid du mi 'ong grang zhes mi dga' zhing skyo bar 'gyur ro// de la 'od gsal gyi lha'i ris na sems can gang sngon skyes pa'i 'jig rten 'di 'jig pa'i rgyus la
78b4 mkhas shing / chags pa'i rgyus la mkhas pa de dag ni sems can 'jigs pa de dag la grogs po dag ma 'jigs shig/ ma 'jigs shig/ me lce 'di sngon yang tshangs pa'i gzhal med khang stong
78b5 ba'i bar du bsregs nas/ phyir de de nyid du mi snang bar gyur to// de ltar me lce 'di ni tshangs pa'i gzhal med khang stong pa'i bar du bsregs nas/ de nyid du mi snang bar 'gyur ro zhes dbugs 'byin par
78b6 byed do/ / nyi ma bdun pa 'jig rten du byung bas/ ri'i rgyal po ri rab kyi rtse mo dpag tshad brgya 'jig cing rab tu 'jig la ma rung bar 'gyur te/ med par 'gyur ro// rtse mo dpag tshad nyis brgya dang
78b7 sum brgya dang / bzhi brgya dang / lnga brgya dang / drug brgya dang / bdun brgya yang 'jig cing rab tu 'jig la ma rung bar 'gyur te// sa chen po 'di dang / ri'i rgyal po ri rab bsregs shing tshig pa'i du ba
iiif viewer powered by OpenSeadragon
Texts on this page
S313 - 'jig rten gzhag pa