rKTs

e-texts navigator

Volume

Page

76b₁ par byed de/ sgra de tshegs chung ngus tshangs pa'i 'jig rten thams cad du khyab par 'gro la/ de nas de las gzhan pa'i sems can rnams kyang chos nyid kyis 'thob pa'i sgra de thos nas bsam
76b₂ gtan gnyis pa la mnyam par gzhog pa de'i dus kyang yod la/ de'i skabs kyang yod do// tshangs pa'i 'jig rten nas sems can rnams 'chi 'pho la/ skye ba ni med pa de'i dus kyang yod
76b₃ la de'i skabs kyang yod do/ / tshangs pa'i 'jig rten du sems can 'ga' yang ma lus par 'gyur ba de'i dus kyang yod la/ de'i skabs kyang yod de/ gang gi tshe tshangs pa'i 'jig rten
76b₄ du sems can 'ga' yang ma lus par gyur na/ de tsam gyis na 'jig rten 'di/ 'di lta ste/ sems can 'jig par 'gyur ba zhig par brjod par bya ste/ 'jig rten 'di stongs par
76b₅ 'gyur ro/ / lha yang dus dus su char gyi rgyun legs par mi 'bebs te/ lha dus dus su char gyi rgyun legs par mi 'bebs pas/ sa chen po 'di las bon gyi tshogs dang / shing gi tshogs
76b₆ dang / sman dang / rtswa dang / 'bras bu'i shing gang yin pa de dag thams cad bskams par 'gyur zhing ma rung bar 'gyur te/ med par 'gyur ro// yun ring mo zhig 'das nas/ nyi ma gnyis pa 'jig rten du 'byung ba de'i
76b₇ dus kyang yod la/ de'i skabs kyang yod do// nyi ma gnyis pa 'jig rten du byung bas sa chen po 'di ni lteng ka chung ngu dang / lteng ka chen po yod pa de dag thams cad bskams par 'gyur zhing ma rung bar 'gyur te/

_{iiif viewer powered by OpenSeadragon}

76a - 77a

Texts on this page