rKTs

e-texts navigator

Volume

Page

75b₁ dud 'gro 'jig par 'gyur ba dang / yi dgas 'jig par 'gyur ba dang / 'dzam bu gling 'jig par 'gyur ba zhig par brjod par bya'o// 'dzam bu gling ji lta ba bzhin du/ shar gyi lus 'phags
75b₂ dang nub kyi ba lang spyod kyang de dang 'dra'o/ / byang gi sgra mi snyan nas sems can gang dag 'chi 'pho la skye ba ni med pa de'i dus kyang yod la/ de'i skabs kyang yod do// byang gi sgra ma snyan gyi sems
75b₃ can 'ga' yang ma lus par 'gyur ba de'i dus kyang yod la/ de'i skabs kyang yod do// gang gi tshe byang gi sgra mi snyan du sems can gcig kyang ma lus par 'gyur na/ de tsam gyis na 'jig
75b₄ rten 'di nyid 'di ltar sems can dmyal ba 'jig par 'gyur ba dang / dud 'gro 'jig par 'gyur ba dang / yi dgas 'jig par 'gyur ba dang / mi 'jig par 'gyur ba zhig par brjod par bya'o// /
75b₅ rgyal chen bzhi pa'i lha rnams kyi nang na/ sems can gang yang rung ba zhig lung med par chos nyid kyis thob par bsam gtan dang po la mnyam par gzhog ste/ de ting nge 'dzin de las langs nas/ kye ma dben
75b₆ pa las skyes pa'i dga' ba dang / bde ba ni bde'o zhes sgra brjod cing dbyangs sgrogs par byed de/ sgra de tshegs chung ngus rgyal chen bzhi'i lha rnams kyi nang du khyab par 'gro la/ de nas de las gzhan pa'i sems
75b₇ can dag gis kyang sgra de thos nas/ chos nyid kyis thob pa'i bsam gtan dang po la snyoms par gzhog pa de'i dus kyang yod la/ de'i skabs kyang yod do// rgyal chen bzhi pa'i lha rnams 'chi 'pho la

_{iiif viewer powered by OpenSeadragon}

75a - 76a

Texts on this page