rKTs

e-texts navigator

Volume

Page

5b₁ rnams so/ / 'di ni bde ba'i skye gnas dang po'o// sems can gang dag lus 'di nyid la ting nge 'dzin las skyes pa'i dga' ba dang / bde bas rlan par byed cing / yongs su rlan
5b₂ par byed de/ yongs su tshim par byed cing / yongs su khyab par byed pa dag yod do// de dag lus 'di nyid la ting nge 'dzin las skyes pa'i dga' ba dang / bde bas brlan par byed cing
5b₃ yongs su brlan par byed de/ yongs su tshim par byas shing / yongs su khyab par byas nas/ bde bar reg pa la gnas so// de dag bde ba de dang / bde ba la gnas pa des tshe ring zhing
5b₄ yun ring por gnas te/ 'di lta ste/ 'od gsal gyi lha rnams so// 'di ni bde ba'i skye gnas gnyis pa'o// sems can gang dag lus 'di nyid la dga' ba med pa'i bde bas rlan par byed
5b₅ cing / yongs su rlan par byed de/ yongs su tshim par byed cing / yongs su khyab par byed pa dag yod do// de dag lus 'di nyid la dga' ba med pa'i bde ba brlan par byas shing /
5b₆ yongs su brlan par byas te/ yongs su tshim par byas shing / yongs su khyab par byas nas/ bde bar reg pa la gnas so// de dag bde ba de dang / bde ba la gnas pa des tshe
5b₇ ring zhing yun ring du gnas te/ 'di lta ste/ dge rgyas kyi lha rnams so// 'di ni bde ba'i skye gnas gsum pa'o// stong spyi phud kyi 'jig rten gyi khams na/ gser gyi ri chen po bdun

_{iiif viewer powered by OpenSeadragon}

5a - 6a

Texts on this page