rKTs

e-texts navigator

Volume

Page

59a₁ 'da' ba bzhin te/ rkang pa bzhag na ni nems zhes byed/ rkang pa bteg na ni bar zhes byed la/ me tog man+da ra ba dag gis pus mo nub tsam du khebs te/ de na mi ma yin pa rnams kyis
59a₂ rlung gi mthus me tog rnying pa rnams ni 'dor/ me tog gsar pa rnams ni legs par 'grems te/ 'di skad du/ zla ba'i bsod nams dbang gi rkyen gyis ni// zla ba'i grong khyer dag na rlung chen ldang //
59a₃ me tog rnying pa rnams ni 'dor bar byed// me tog gsar pa rnams ni legs par 'grems// zhes kyang bya'o// zla ba'i dkyil 'khor gyi nang na lam srang chur dpag tshad lnga bcu/ zheng du dpag tshad phyed dang
59a₄ gnyis yod de/ dbyibs legs shing blta na sdug la mdzes pa gser gyi bye ma bdal zhing / tsan dan gyi chus chag chag btab pa de'i glo g.yas g.yon na rdzing bu byas pa dag yod de/ rdzing bu de dag kyang gser las
59a₅ byas pa dang / dngul las byas pa dang / bai nuR+Ya las byas pa dang / shel las byas pa'i pha gu rnam pa bzhis brtsigs so// rdzing bu de dag gi phyogs bzhin yang / them skas byas pa dag yod de/
59a₆ them skas de dag kyang gser las byas pa dang / dngul las byas pa dang / bai DUR+Ya las byas pa dang / shel las byas pa'i pha gu rnam pa bzhis brtsigs so// rdzing bu de dag kyang gser las byas pa dang /
59a₇ dngul las byas pa dang / bai DUR+Ya las byas pa dang / shel las byas pa'i lan kan rnam pa bzhis kun nas bskor te/ gser gyi lan kan gyi rten ma dang / gdang bu dang / gzung gzer ni dngul las

_{iiif viewer powered by OpenSeadragon}

58b - 59b

Texts on this page