e-texts navigator
Collection
Volume
Page
བོད་ཡིག

57b1 par dang zhing rnyog pa med do/ / gang gi tshe 'dzam bu'i gling du nyi ma 'char ba de'i tshe/ shar gyi lus 'phags su nyi ma phyed do// byang gi sgra mi snyan na ni nub bo// nub kyi ba lang spyod kyi gling na ni nam byed do//
57b2 gang gi tshe 'dzam bu'i gling na nyi ma phyed par gyur pa de'i tshe/ shar gyi lus 'phags na ni nyi ma nub bo// byang gi sgra mi snyan na ni nam phyed do// nub kyi ba lang spyod kyi gling na ni nyi ma 'char ro// gang gi tshe
57b3 'dzam bu'i gling du nyi ma nub pa de'i tshe/ shar gyi lus 'phags na ni nam phyed do// byang gi sgra mi snyan na ni nyi ma 'char ro// nub kyi ba lang spyod kyi gling na ni nyi ma phyed do// gang gi tshe 'dzam bu gling na nam
57b4 phyed par gyur pa de'i tshe/ shar gyi lus 'phags kyi gling na ni nyi ma 'char ro// byang gi sgra mi snyan gyi gling na ni nyi ma phyed do// nub kyi ba lang spyod kyi gling na ni nyi ma nub bo// ji ltar 'dzam bu'i gling
57b5 thog mar byas te bshad pa de bzhin du/ shar gyi lus 'phags dang / byang gi sgra mi snyan dang / nub kyi ba lang spyod kyang thog mar byas te thams cad brjod par bya'o// 'dzam bu gling gi shar phyogs
57b6 gang yin pa de/ shar gyi lus 'phags kyi ni lho phyogs so// byang gi sgra mi snyan gyi ni nub phyogs so// nub kyi ba lang spyod kyi ni byang phyogs so// 'dzam bu gling gi lho phyogs gang yin pa de/
57b7 shar gyi lus 'phags kyi ni nub phyogs so// byang gi sgra mi snyan gyi ni byang phyogs so// nub kyi ba lang spyod kyi ni shar phyogs so// 'dzam bu gling gi nub phyogs gang yin pa de/ shar gyi lus 'phag



iiif viewer powered by OpenSeadragon

57a - 58a

Texts on this page

S313 - 'jig rten gzhag pa