| e-texts navigator |
| བོད་ཡིག |
48b1 pa dang / me tog gi rna rgyan legs par byas pa bzhin te/ thang las skyes pa'i bya sna tshogs skad snyan cing 'jebs pa dang / skad yid du 'ong ba dang / skad mnyen pa dang / 'dod dgur sgyur ba'i gzugs
48b2 can rnams skad snyan pa 'byin to/ / dpag bsams kyi shing sngon po dang / ser po dang / dmar po dang / dkar po rnam pa bzhi yod do// bzhag gos sngon po dang / ser po dang / dmar po dang / dkar
48b3 po rnam pa bzhi yod do/ / dpag bsams kyi shing las byung ba'i gos sngon po dang / ser po dang / dmar po dang / dkar po rnam pa bzhi yod do// rol mo'i cha byad sna tshogs pa wang dang / gling bu dang
48b4 pi wang rgyud gsum pa dang / 'khar rnga dang / hab shang rnams 'byung ba'i shing dag kyang yod do// rgyan sna tshogs lag rgyan dang / rkang rgyan dang / rgyan snang ba dang / mi snang ba rnams 'byung ba'i shing dag
48b5 yod de/ lha 'am/ lha'i bu mo rnams kyis ji lta bur 'dod par sems bskyed ma thag tu de lta bur de dag gi lag tu 'ong bar 'gyur ro// lam de na bzhon pa sna tshogs bkod pa 'di lta ste/ glang po
48b6 che'i bzhon pa dang / rta'i bzhon pa dang / shing rta'i bzhon pa dang / khyogs kyi bzhon pa dag yod de/ lha 'am/ lha'i bu mo rnams kyis bzhon pa ji lta bur 'dod par sems bskyed ma thag tu de lta
48b7 bu'i bzhon pa 'ong bar 'gyur te/ de la zhon nas sa gzhi sna tshogs can du 'dong zhing ci bder gnas pas mngon par dga' bar byed do// de na lha'i drang srong rnams rang dgar tshangs par spyad pa spyod do//
iiif viewer powered by OpenSeadragon
Texts on this page
S313 - 'jig rten gzhag pa