rKTs

e-texts navigator

Volume

Page

40b₁ sgo gcig kyang 'phang du ni dpag tshad phyed dang gsum/ zheng du ni dpag tshad phyed dang gnyis yod do// sgo re re la yang skar ma'i gzugs su byas pa rnam pa bzhi yod de/ gser las byas pa dang /
40b₂ dngul las byas pa dang / bai DUR+Ya las byas pa dang / shel las byas pa rnams so// zla ba phyed pa lta bur yongs su grub pa dang / ba lang gi mgo lta bu dang / me long rnams kyang gser
40b₃ las byas pa dang / dngul las byas pa dang / bai DUR+Ya las byas pa dang / shel las byas pa rnam pa bzhi yod do// dbyibs legs shing blta na sdug la mdzes pa yin no// sgo re re
40b₄ la yang sum cu rtsa gsum pa'i lha rnams bsrung ba'i phyir dang / bskyab pa'i phyir dang / mdzes par bya ba'i phyir srungs ma go cha bgos shing mda' cha thogs pa lnga brgya lnga brgya bkod do//
40b₅ sum cu rtsa gsum pa'i lha rnams kyi lam srang srid du dpag tshad nyis stong lnga brgya yod la/ zheng du dpag tshad bcu gnyis yod pa/ dbyibs legs shing blta na sdug la mdzes pa gser gyi bye ma bdal
40b₆ zhing tsan dan gyi chus chag chag btab pa zhig yod de/ srang de'i glo g.yas g.yon na rdzing bu byas pa'i rdzing bu de dag gser las byas pa dang / dngul las byas pa dang / bai DUR+Ya las byas pa dang / shel
40b₇ las byas pa dang / pha gu rnam pa bzhis brtsigs so// rdzing bu de dag gi phyogs bzhin them skas byas pa yod de/ them skas de dag kyang 'di lta ste/ gser las byas pa dang / dngul las byas pa dang /

_{iiif viewer powered by OpenSeadragon}

40a - 41a

Texts on this page