rKTs

e-texts navigator

Volume

Page

382a₁ bcas pa dang / kha na ma thob med pa dang / bsten par bya ba dang / bsten par bya ba ma yin pa'i chos yang dag pa ji lta ba bzhin ma 'tshal ba dang / skyes bu dam pa dang 'drad
382a₂ pa dang / dam pa'i chos nyan pa dang / tshul bzhin yid la bgyid pa dang / chos dang 'thun pa'i chos sgrub pa mi sgrub par 'gyur ba dang / sgrib pa gang gis bsgribs shing g.yogs te/ kun nas/
382a₃ dkris pa rnams sems can 'dul ba dang / bdag 'dul ba dang / gzhan 'dul ba dang / gnyis ka 'dul ba dang / 'jam pos 'dul ba dang / khro bas 'dul ba dang / btang snyoms
382a₄ kyis 'dul ba dang / bsdigs pas 'dul ba dang / bskrad pas 'dul ba dang / smad pas 'dul ba dang / bsten pa dang / bsnyen pa dang / bsnyen bkur byas pas 'dul ba dang / chos
382a₅ bshad pas 'dul ba dang / 'dzum bstan pas 'dul ba dang / nang du yang dag 'jog gis 'dul ba dang / sbyangs pa'i yon tan yo byad bsnyungs pas 'dul ba dang / sbyin pa dang / tshul
382a₆ khrims dang / bzod pa dang / brtson 'grus dang / bsam gtan dang / shes rab kyi pha rol tu phyin pa spyod pas 'dul ba dang / dad pa dang / tshul khrims dang / thos pa dang /
382a₇ gtong ba dang / shes rab dang / sgom pas 'dul ba dang / 'dul ba gang dang gang gis/ sems can gyi khoms 'dul bar 'gyur ba de yang dag pa ji lta ba bzhin ma 'tshal ba dang / rdul

_{iiif viewer powered by OpenSeadragon}

381b - 382b

Texts on this page