| e-texts navigator |
| བོད་ཡིག |
370b1 mtho ris lam ni rab ston la/ / rga shi med par 'dren mdzad pa// byang chub sems la phyag 'tshal lo// sems kyi dbang du gyur pas na// bdag gis sdig pa ci bgyis pa// sangs rgyas spyan sngar
370b2 mchis nas su/ / de dag bdag gis bshags par bgyi// bdag las rnam pa gsum gang yis// bsod nams tshegs ni bskyed pa de// bdag gi kun mkhyen sa bon te// bdag gis byang chub mi
370b3 zad shog/ phyogs bcu dag gi zhing rnams su// sangs rgyas mchod pa gang byung ba// sangs rgyas mkhyen pa yi rang bas// de la bdag kyang yi rang ngo // sdig pa thams cad bshags par bgyi//
370b4 bsod nams kun la yi rang ngo // sangs rgyas kun la phyag 'tshal lo// bdag ni ye shes mchog thob shog/ phyogs bcu dag gi phyogs rnams na// sa bcu dag la gnas pa yi// byang chub sems
370b5 dpa' byang chub mchog/ 'tshang rgya bgyid par bskul ma 'debs// byang chub dam par sangs rgyas shing // sde dang bcas pa'i bdud btul nas// srog chag kun la sman slad du// chos kyi 'khor lo
370b6 skor gyur cig/ chos rnga chen po'i sgra yis ni// sdug bsngal sems can thar bgyid shog/ bskal pa bye ba bsam yas su// chos ston mdzad cing bzhugs gyur cig/ 'dod pa'i 'dam du bying gyur pa'i/
370b7 sred pa'i srad bus dam bcings pa// 'ching ba kun gyis bcings dag la// rkang gnyis mchog rnams gzigs su gsol// sems kyis dri mar bgyis pa la// sangs rgyas rnams ni smod mi mdzad//
iiif viewer powered by OpenSeadragon
Texts on this page
S322 - 'phags pa byams pa'i smon lam